Қалайсыз Бауыржан ата? Сіздің үш қорқынышыңыз қазіргі таңда орындалуда. Қазіргі аналар бесік жырын айтпайды, әжелер ертегі айтпайды, қазақтар бір- бірімен орысша сөйлеседі. Сіздің қорқуыңыздай ақ бар . Себебі бесік жырынсыз, ертегісіз өскен баланың ойлау қабілеті, қиялдау қабілеті, ана тіліне құрметпен қарау болмайды. Солай өскен бала өз ана тілінде сөйлей алмайды. Егер осы қайталана берсе болашағымыз не болмақ? Өзіміз білмесек ұрпақтарымызға не үйретеміз? Бауыржан ата осы сұрақтарға жауап беріңізші. Сау болыңыз!
Ел тағдырын бәрінен биік қойған, ұлттың тұтастығын, жерінің бүтіндігін мұрат еткен қазақ батырлары қазақ тарихының әр белесінде тұлғалық деңгейге көтеріліп отырған. Яғни, олар ұлттық тұлға болған. Осы ұлттық тұлға тұғырына көтеріліп, аты аңызға айналған, тарихта есімдері қалған сан мыңдаған батырлар бар.
Ең алдымен ұлттық тұлға деген ұғым келсек, тарихи тұрғыдан ұлт үшін, халық үшін орасан маңызы зор, тарихи мәні терең іс-әрекетке барған, немесе аса жауапты тарихи сәттерде халық тағдырында айрықша орны болған адамға халықтың өзі осындай ұлттық, тұлғалық деңгейге көтеретін баға беріп отырған. Қазақ тарихының әр кезеңдерінде осындай орасан зор халықтық мәні бар тарихи оқиғаларға араласқан, немесе осы тарихи оқиғаларды басқарған, ұйымдастырушы, дипломат болған немесе асқан ерлік көрсеткен азаматтар – халық батырлары атанған. Ұлттың тұлғалары атанған. Қазақ ұлтының бағына орай әр ғасырда жаужүрек, батыр ұлдары мен қыздарын мол жаратқан. Ұлт содан аман қалған.
