Ә. Нұршайықовтың "Ақиқат пен аңыз" роман-диалогі туралы диалог.
– Сәлем, Алмас!
– Сәлем, Берік. Қалайсың?
– Жақсымын, өзің ше? Мектептен келе жатырмысың?
– Мен де жақсымын. Иә, сабақ жаңа бітіп жатыр. Сендерде сабақ ерте бітетін еді ғой.
– Иә, мен дайындыққа бара жатырмын. Жеңіс күніне орай ашық сабақ болады.
– Мәссаған! Айтпақшы, Жеңіс күні демекші, сен Ә.Нұршайықовтың "Ақиқат пен аңыз" шығармасын оқыдың ба?
– Жоқ, оқымаппын. Тек басты кейіпкері Б.Момышұлы екенін білемін.
– Мен оқуға кеңес беремін, себебі қызықты шығарма. Білесің бе, шығарма диалог түрінде жазылған.
– Керемет! Бірінші рет естіп тұрмын. Ал кітабы қай жылдары басылып шыққан? Кітапханадан алып оқиын.
– 1978,1980 және 2009 жылдары басылып шыққан. Кітапханаға бармай-ақ қой. Менде бар ол кітап. Қаласаң ертең алып келейін.
– Жақсы болар еді! Онда көріскенше!
– Сау бол!
1.
Жаңа технология – жетістіктер бастауы
«Цифрлы Қазақстан» мемлекеттік бағдарламасын байыптылықпен жүзеге асыру бүгінде баршаның басты міндетіне айналуы, бір жағынан жаһандану үрдісінен туындаған уақыт талабы десек, екінші жағынан, онсыз технологиялық, экономикалық, әлеуметтік салалардағы терең өзгерістерді көзге елестетудің өзі қиын. Елбасы «Төртінші өнеркәсіптік революция жағдайындағы дамудың жаңа мүмкіндіктері» Жолдауында жаңа әлем көшбасшыларының қатарына қосылу үшін цифрландыру жөніндегі қанатқақты жобаларды табыстарымыздың берік кепіліне айналдырып, бұл тәжірибені кеңінен тарату міндетін алға қойған болатын. Соған байланысты еңбек өнімділігін түбегейлі арттыру, өнімнің сапасын жақсарту бағытында инновациялық сипатқа ие өміршең бағдарламалар жергілікті жерлерде кеңінен қанат жайып келеді.
2.
Автор: Әзілхан Нұршайықов
Түсінік: Рымғали Нұрғалиұлы
Шынында да солай, әрине, бұл ақындық қиялдан туған үлкен мұрат. Ерлік дастаны - өмірлік дастан, ол ұрпақтан ұрпаққа кете бермек, жаңғыра бермек, жаңара бермек.
Әзілхан Нұршайықов осы бір жайды терең барлап, өз шығармасын “Ақиқат пен аңыз” деп дұрыс атаған. Бауыржан Момышұлы жөнінде тараған аңыз-әңгімелердің түпкі түйіні өмір шындығында, сол шындықтың куәсі болған бас геройдың характерінде жатқандығы анық та ақиқат.
Бауыржанның даңқын алғаш кең таратып жіберген Александр Бектің “Волоколам тас жолы” атты романы болатын. Романның алғашқы бетін ашқанда-ақ, майдан картасын алдына жайып салып офицерлерге бұйрық беріп отырған Бауыржан бірден алдыңнан шығатын. Соғыс тағдырын, соғыс құпиясын жете түсініп, жүрекпен сезінбей тұрып шығарма жазам деушілік әурешілік деп, бірден тік кететін Бауыржан Момышұлы оқырмандарға сол бір мінезімен ұнаған-ды.
