Дәйек сөз, цитата (лат. cіto– келтіремін, шақырамын) – түпнұсқадан сөзбе-сөз алынған үзінді. Автордың ойын беделді пікірлермен тиянақтау үшін, біреудің пікіріне сын айту үшін, құнды дерек ретінде пайдалану үшін қолданылады.[1]
Дәйек сөз, негізінен, ба з материалдарында, ғылым еңбектерде, кітаптар мен әр түрлі қолжазбаларда, баяндамалар мен сөйлеген сөздерде келтіріледі. Дәйек сөздер ғылым еңбектерде пайдаланғанда, сол еңбекте айтылатын оймен логикалық тұрғыдан қабысып, жарасым табуы тиіс. Айтылмақ ойды одан әрі дамытып, жаңа деректермен толықтырып тұру керек. Сонда ғана ол өз міндетін атқарады. Әдетте, зерттеу еңбектерінде, көбінесе әдебиет, мәдениет, өнер, ғылым қайраткерлері пікірлерінен дәйек сөздер алынып отырады. Мұның өзі үлкен талғаммен, орынды алынса, еңбектің сапасын арттыруға есебін тигізеді.
Дәйек сөз көбінесе ықшам түрде алынады. Сөйлем ұзақ болған жағдайда керекті жерін алып, қысқартылған сөздер орнына көп нүкте қою шарты бар. Дәйек сөз, әдетте, тырнақшаға алынып жазылады. Міндетті түрде дәйек сөз алынған еңбек, оның авторының аты-жөні сілтемелерде анық, нақтылы көрсетілуі тиіс. Эпиграф та дәйек сөздің бір түріне жатады
Алдағы уақытта қазақ тілі графикасының өзгеруі - заманауи технологиялар әлеміндегі заңды талап, деп санайды Оңтүстік Қазақстан жұртшылығы. Латын әліпбиі - заманауи қатынас құралы. Латын әліпбиіне көшу мемлекеттік тілді байытып, оның өзіндік және дыбыстық жүйесінің өзіндік ерекшелігін сақтайды.Ағылшын алфавитіне негізделген латын әліпбиіне көшу үштік мәселені шешеді. Біріншіден, бұл бізді жаһандық ағылшын тілді әлемге кіріктіре отырып, ағылшын тілін жаппай меңгеруге қолайлы жағдай жасайды. Екіншіден, бұл ғылым мен техниканың ең заманауи жетістіктеріне қол жеткізудің жаңа мүмкіндіктерін ашады.
