Қолөнер бұл қолданбалы өнер – дәстүрлі тұтыну және сәндік бұйымдарын жасайтын ұсақ өндіріс. Қолөнершілер негізінен табиғи шикізаттарды пайдаланып, қарапайым еңбек құралдарының көмегімен көркем композицияның шешімімен тұрмысқа қажетті мүліктер, музыкалық аспаптар, қару-жарақ, құрал-саймандар жасайды. Әрбір қолөнер туындысы өз заманының материалдық мәдениетінің үлгісі және халық талғамының, әлеуметтік қоғамдық жағдайының, діни сенімінің, салт-дәстүрінің нақтылы көрінісі.
Қазақстанда көшпелі шаруашылықтың қажетіне сай қолөнершілер мал шаруашылығына керекті желі, шылбыр, ноқта, бұршақ, жүген, құрық, бұғалық, тұсау,өре, шідер, кісен, қада, ер-тұрмандар жасаумен шұғылданды. Олар құмнан, тастан, саздан құмыра, көзе, ыдыс-аяқ; мүйізден, сүйектен, мал мен аң терісінен, ағаштан әшекейленген нақышты дүние-мүлік, домбыра, қобыз, сыбызғы, шаңқобыз сияқты музыка аспаптарын; темірден, мыстан қылыш, найза, қанжар, айбалта, күрзі секілді құрал, қару жасады. Қазақ халқының қолөнерінде киіз үй жабдықтарын, ағаш төсек жасау, түйін түю, ши орау, кесте тігу, өрмек тоқу, киіз басу, сондай-ақ моншақ, білезік, сақина, сырға, алқа, шолпы сияқты зергерлік бұйымдар жасау кең дамыды
"Менің Отаным - Қазақстан" диалог.
- Еркебұлан, білесің бе, келесі аптада мектебімізде тілдер апталығы әрі «Мұқағали оқулары» өтеді екен. Осы жолғы Мұқағали оқуларына қатысып, бағымды сынап көргім келеді.
- Жарайсың, Андрей! Өте жақсы бастама! Әрине, қатысып көр, мүмкін, бағың жанып, жүлделі орынға ие боларсың.
- Иә. Сонымен қатар жеңімпазға қалалық Мұқағали оқуларына жолдама беріледі, ол сайыста та жеңіп шықсам, облыстық, одан республикалық деңгейдегі жарысқа қатыса аламын.
- Қандай күшті.Мен саған тілектеспін. Қандай өлең оқымақшысың?
- Рахмет. Жалпы Мұқағали поэзиясын сүйсініп оқимын. Дегенмен, оның «Отан туралы» өлеңін ерекше жақсы көремін. «Мен оның түнін сүйем, күнін сүйем, ағынды өзен, асқар тау, гүлін сүйем, мен оның қасиетті тілін сүйем, мен оның құдіретті үнін сүйем...» Ұлтым украин болғанымен, менің кіндік қаным тамып, алғаш тәй-тәй басқан, алғаш «ана» деп күлім қаққан, киелі жерім, атамекенім, ол – тәуелсіз Қазақстан. Халық даналығы «Әркімге өз туған жері Мысыр шаһары» деп бекерге айтпаған. Қазақстан қашанда менің жүрегімде.
- Жарайсың, достым. Бұл да Елбасымыздың көреген саясатының бір көрсеткіші деп білемін. Елімізде жүзден астам ұлт өкілдері бір шаңырақтың астында тату – тәтті өмір сүріп жатыр.
- Дұрыс айтасың. Төбесі көкке тірелген таулары бар, көк-жасыл орман-тоғайлары бар, асу-асу белдері бар, қойнауы алтын астық пен малға толған кең жазира даласы бар Қазақстан әлемге әйгілі өте бай ел. Табиғаты әр алуан жан -жануарларға толы, аққулы көлдері бар, тулаған толқынды теңіздері бар, әсем қалалары бар достығы жарасқан көпұлтты мемлекет. Әнұранымен әйгілі, Туымен тұғырлы, Елтаңбасымен еңселі егемен елімізге қызыға қарамайтын ел жоқ шығар.
