Күшігім еркелей білетін,
Кейде ол шәуілдеп үретін.
Жата қап аяғын көтерсе
Көргендер еріксіз күлетін.
Тойған соң томпайып жататын,
Бір тәтті ұйқыға бататын.
Түсінде мысықпен алысып,
Жүретін бөлмеде жарысып.
Қарасам, міне енді өсіпті,
Ит бопты кәдімгі қабаған.
Әуелі өзіме өшікті
Күнәм жоқ бір рет сабаған.
Мақтайды біреулер даурығып,
Қасқыр деп итімді қабаған.
Мен жүрмін кете алмай айығып,
Өз итім түсірген жарадан,
***
Отырсам үндемей үйімде,
Тоқмейіл, ақпейіл күйімде.
Келуші көбейіп кетеді
Шашымның ағынан сүюге.
Мақтауға бәрі әзір, жайдары
Мейрімнің ағаға шегі жоқ.
Ақтарар сырларын қайдағы,
Бірінің дығы жоқ, кегі жоқ.
Сәл ғана өзгеріп қалпымнан,
Әділдік сөйлесем болғаны,
Біреуі алып қап алқымнан,
Союға әзір тұр қалғаны...
Тойған соң жататын пырылдап
Мен мысық емеспін, достарым,
Жан болып жүрген сон, шырылдап
Айтамын арымның қосканын
Әже-әр адамның өмірінде маңызды орын алатын адам. Әр адамға өз әжесі өте ыстық, әр адам өз әжесін қатты жақсы көреді. Барлық адамдар сияқты мен де әжемді өте қатты жақсы көремін. Мен үшін әжем қазақылықтың көрінісі.
Менің әжем салт-дәстүрлердің барлығын сақтайды, құрметтейді. Ырым-тыйымдарды бұлжытпай, орындау немесе орындамау керек нәрселерді бізге айтып,бөлісіп отырады.
Әжем өз немерелерін өте қатты жақсы көреді. Білмегенімізді үйретіп, қамқор болып жүреді. Сондықтан да, мен әжемді өте қатты жақсы көремін.
