Әрбір мамандықтың өзіндік ерекшелігі, халыққа тиер пайдасы бар. Біреу мұғалім болуды қаласа, екіншісі дәрігер болуды ақрайды. Ал мен келешекте мамандығым бойынша экономист болуды аңсаймын. Бұның бірнеше себебі бар. Біріншіден, қарқынды дамып келе жатқан еліміздің экономикалық жағдайының тұрақтылығын сақтап қалу үшін бұл мамандық әрдайым актуальды болып табылады. Қазіргі таңда еліміздің ең қажет ететіні туризмді дамыту болып келеді. Ол үшін, ең алдымен, даламыздың инфрақұрылымын дамытып, жарнама арқылы шетелдіктердің назарын жерімзге аударуымыз керек. Құдайға үшкір, мұның бәрін іске асыру үшін Үкімет тарапынан жағдай жасалынып жатыр. Біздің жастарымыз шетелде, Қазақстанның жоғарғы оқу орындарында оқып, сапалы білім алуға мүмкіндіктері келіп тұр. Соның барысында бұл мамандықты жан-жақты зерттеп, бұл саланың дамуына өзіндік үлес қосуға болады.
Менің отбасымдағы дәстүрлер туралы диалог.
- Алмагүл, осы сенің отбасың үлкен бе?
- Ия, Сәуле. Менің отбасым үлкен. Біздің үйде жеті адам тұрамыз: атам мен әжем, ата - анам, ағам, қарындасым және мен.
- Қандай тамаша!
- Ия, менің ойымша, үйде әсіресе үлкен адамның болғаны жақсы. Қазақ халқында бұл жайында керемет сөздер бар ғой: «Үлкені бар үйдің қазынасы бар деген».
- Дұрыс айтасың, мен де бұл оймен толықтай келісемін.
- Атам мен әжем бізге үнемі өсиеттері мен ақылдарын айтып, бізді дұрыс жолға салып, мейірімді, бауырмал болуға тәрбиелеп отырады.
- Не деген керемет көрініс! Мұндай үлкен отбасында өзіндік ережелері мен салт - дәстүрлері де бар шығар?
- Ия, әрине, бар. Мысалға, ережелерге келер болсақ, біз әрдайым бір - бірімізге кез келген шаруада көмектесеміз, үлкендердің айтқанын екі етпей орындаймыз. Ал отбасылық дәстүрлеріміз өте көп. Соның ішінде маған ең ұнайтыны - ол демалыс күнгі отбасылық ас: анам міндетті түрде ұлттық тағам бесбармақ пісіреді, ал әжем болса, дәмді бауырсақтарын әзірлейді. Ал біз бауырларымызбен қосылып үй жинастырып, келер аптаның сабағын оқимыз. Осы демалыста сен біздің үйге қонаққа кел, мен сені өз отбасыммен таныстырайын.
- Шақыруыңа көп рахмет, міндетті түрде келемін.