"Тараздың бойтұмары" тақырыбына диалог құрастыру.
Алтынбек: «Тараздың бойтұмары» деген мәтінді оқыдың ба?
Қанатбек: Әрине, мұғалім үй тапсырмасына сол мәтінді оқып, мазмұнын айтуға дайындалып келуді тапсырған болатын.
Алтынбек: Сонда, Қарахан неліктен Айша Бибіге уәделі уақытта бара алмай қалады?
Қанатбек: Себебі, жаугершілік заман болып, Қарахан елін, жерін қорғап шайқаста жүреді.
Алтынбек: Таразға барар жолда қандай жағдай орын алады?
Қанатбек: Жолдан шаршаған Айша Бибі төсенішке жатып, маужырап ұйқыға кетеді. Сол кезде оны даланың улы жыланы шағып алады.
Алтынбек: Қарахан денесін у жайлаған аруға жетіп үлгереді ме?
Қанатбек: Иә, Қарахан молда мен емшіні алып жеткенде Айша есінен танып жатыр екен.
Алтынбек: Сүйген жарынан айырылған Қарахан не істейді?
Қанатбек: Ол сүйген жарының денесін жерлеп, басына әсем күмбез орнатады.
Алтынбек: Мәтіндегі ақпаратты өте жақсы меңгеріпсің, жарайсың!
Қанатбек: Рахмет, бүгін сабақта қол көтеріп, бірінші жауап бергім келеді.
Ал,енді табиғат таңғажайыптарына келер болсақ,ол үшін қазақ жеріне бір мәрте ғана аяқ бассаңыз, немесе осынау ұлы даламыздың үстімен ұшақ мініп көктей өтсеңіз де жеткілікті.Сонда,Қазақ жерінің нағыз Жерұйық екеніне көзіңіз жетеді. Айтары жоқ,өз тәуелсіздігін алғалы бері әлем елдерін қоғамындағы тұрақтылығы және толеранттылығымен,һәм,меймандарына деген дәстүрлі қонақжайлылығымен ғана емес, бұларға қоса,барша жұмыр жер өркениетіне ықпал еткен қайталанбас мәдениеті мен тағылымды тарихы арқылы да таңдандырып келе жатқан Қазақстанға сүйсінбеске лажыңыз жоқ.
Бұл ретте, Есік қорғанынан табылған Алтын Адам, Алтайдағы алтын аттар қорымы мен Астанаға таяу жерден ашылған энеолит дәуірінің Ботай қонысы секілді әлемдік деңгейдегі археологиялық жаңалықтарды айтсақ та жетеді.Әсіресе, осы күндергі баршаға әйгілі тұлпарлардың жеті мың жылдық арғы тегі болған Ботай қонысындағы ертедегі қолға үйретілген жылқылар сыры қандай ғаламат.Тіпті, Алмалы шатқалында өсетін жабайы қызыл алманың тап осы күндері әлемнің барша халықтары тамсана дәмін тататын алма атаулының арғы генетикалық атасы болғаны ше.Бірақ,, ұлы даламыздың ғажайыптары бұлармен бітпейді.Қазақ жерінде табиғаттың тағы да бір кереметі-атақты голланд жауһазындарына ататек тұқым болған жабайы қызғалдақтар жайқалуда..Әлемнің жетекші биологтары мен гүл өсірушілері жер бетіндегі осынау алау гүлдердің ата жұрты-Қазақстан екенін дәлелдеп отыр.
Сондығынан да,даласының төсінде оттай жанған жабайы қызғалдақтары жайқалған қазақ жеріне саяхатқа шығудың тағы да бір себебі табылды...
Айтары жоқ,жабайы қызғалдақ көктемгі даланың көркін ерекше ашар сұлулық.Әсіресе,жазиралар төсінің сәуірдегі гүлденуі жаныңды желпіп,қуанышқа бөлейді.Нарттай жанған жауһазынды атыраптан көз алмаған сәттердің әсерлілігі соншалық,адам бейне ертегі әлеміне еніп кеткендей болады.Күні кеше ғана,құлазып жатқан өңір мына көктемде табиғат таңғажайыбы- бәйшешекке тола,тербеліп тұр...
Баршаға мәлім,қызғалдақ өзге гүлдердей иісін бірден шашпайды.Оның жаныңды жадыратар жұпары әуеге жайлап қана тарайды.Ол-шаттық жұпары!Адам көңіліне ауадай керек қуаныш.Әдетте,сайын далада қызғалдақ шешек жарғанда, аспан асты құстарға толады.Мүмкін,қызғалдақтың бірден сезілмес жұпарын алдымен қанаттылар аңғаратын болар.Осы бір мезгілде құстар үніне құлақ түріңізші.Үндерді қандай жарқын...Мінеки,дала қызғалдағының бір құдіреті..