Еңбек ер атандырады.
Еңбек - адамға өзінің тұтынушылығын қамтамасыз етуге қажетті бүкіл заттар жиынтығын жасайтын адам әрекетінің негізгі формасы.Адам өмірі еңбекпен тығыз байланыста болады. Жалпы, еңбек адамның табиғи жетістігі болып саналады.
Қазақ халқы қашан да еңбекке аса үлкен мән беріп, бала тәрбиесінде де еңбекқорлықты маңызды санаған. Бұған дәлел ретінде «Еңбек – адамның екінші анасы», «Еңбек мұратқа жеткізер», «Жалқаулық аздырады, еңбек оздырады»,- деген мақалдардан еңбектенудің адамдарға қажетті нағыз байлық екендігін аңғаруға болады. Ал еріншектік, жалқаулық жақсы қасиетке жатпайды. Тіпті ұлы дана Абай атамыз да еріншектікті бес дұшпанның біреуі санаған.
Сондықтан балаларды кішкене күнінен еңбекке құштар қылып тәрбиелеп, адал еңбекпен тауып жеген нанның тәтті болатынына үйрету керек деп есептеймін.Себебі, біз еңбектенудің арқасында көптеген нәрселерге қол жеткіземіз. Мысалы, күнделікті ішіп- жейтін тамағымыз бен киетін киіміміздің өзі еңбекпен келеді.
Адам өмірінде өзіне ыңғайлы, өзі қызығатын, қолынан келетін істі істесе, еңбегінің өзіне де, өзгеге де пайдасы мол, жемісті болып, еліне, халқына пайдасы берекелі болады. Сондықтан да «еңбек түбі береке» екенін жадымызда ұстаған абзал.
Объяснение:
Тақырыбы: Еңбек – ер атандырады.
Мақсаты: Еңбектің түрлерін, еңбек етуге, еңбектің наны тәтті екенін түсіндіру.
Мұғалім
Бақыты асқан патшадан,
Миымен асқан қара артық.
Сақалын сатқан кәріден,
Еңбегін сатқан бала артық
Оқушы
Жайнатар кең өлкені,
Болашақтың ертеңі.
Біз бақытты баламыз,
Ата - ананың өркені.
Еңбек туралы альбомдар және суреттер көрсетіледі.
Еңбек туралы тақпақтар;
Қарамай уақытына қиынына,
Қарамай уақыттың құйынына,
Ертеңге бара жатыр еңбек енді.
Жер шарын салып алып иығына.
Біледі оны терлеп көрген,
Терлесең кетер онда кернеп кеудең.
Адам мен бірге туып басталады,
Ол талаптану, ұмтылу, еңбектенуден.
Еріншектен ер шықпайды,
Ешқашан,
Өйткені,
Еңбек етпей тер шықпайды.
Жалқау болсаң жасыңнан,
Ұйқы қалмас қасыңнан.
Еңбек сүйсең табылар,
Бар жақсылық қасыңнан.
Бұлақ ақса - көл тоқ,
Көк шөп өссе - төл тоқ.
Қос білегін сыбанып,
Еңбек етсе – ер тоқ.
Жақсы бала еңбекшіл,
Ер азамат болады.
Қиындықты жеңіп кіл,
Құшағы гүлге толады.
Көрініс: Еңбекпен тапқан тиын.
Автор: Жұлдыз Әкесі: Райымбек Анасы: Айдана Баласы: Жарас
Еңбек түрлері
Ақыл ой еңбегі иелері: оқушы, мұғалім, дәрігер, жазушы, ақын, жырау.
Дене еңбегі иелері: егінші, малшы, шахтер, кенші, спортсмен.
Еңбек туралы мақал - мәтелдер.
Бейнетің қатты болса,
Татқаның тәтті болар,
Диқан еккенін жейді
Жылқы тепкенін жейді.
Еңбегің сайлы болса,
Жегенің майлы болар.
Маңдайы терлемегеннің,
Қазаны қайнамайды.
Еңбек адамды бүтіндейді,
Жалқаулық түтіп жейді.
Еңбек өмірді ұзартады,
Ұят бетті қызартады
Еңбек ширатады,
Өмір үйретеді.
Еңбек деген байлық бар,
Ерінбеген жететін.