– Әкешім,маған үй тапсырмасына көмектесіп жіберіңізші.
– Әрине,құлыным.Қане,көрсете ғой.
– Міне,мына тапсырмада метро туралы сұрақтар берілген.Соларға жауап жазу керек.Сіз көлік жүйесінен хабардарсыз ғой.
– Онда мен жауап беріп отырайын,сен дәптеріңе түртіп аларсың.
– Иә.Бірінші сұрақ:Метро дегеніміз не?
– Метро – қаладағы жолаушыларды тасымалдайтын көліктің бір түрі.
– Келесі сұрақ:Метро жолын қай жерлерде салынады?
– Метро жолын жер астында,жер бетінде не жерден көтеріңкі салынады.
– Ең алғашқы метро қай жерде салынды?
– Қателеспесем,Лондонда салынған болуы керек.
– Жақсы.Енді соңғы сұрақ: Қазақстанның қай қаласында метро бар?
– Алматы қаласында.
– Көп рахмет,әке!
– Оқасы жоқ,балам.
Ұлттық валюта теңге туралы диалог құрастыру.
Інісі: Әпке, сіз білесіз бе, біз сыныбымызбен ұлттық мұражайда өтіп жатқан теңге көрмесіне барып, сол жерде қойылған ақшаларды тамашалап қайттық?
Әпкесі: Бәрекелді. Қандай әсерде болдың?
Інісі: Маған бұл серуен өте қатты ұнады, еліміздің тарихына бір сәт үңіліп, алғашқы теңгелердің қандай болғанын өз көзімізбен көріп қайттық.
Әпкесі: Сонда теңге жайлы не біліп қайттың?
Інісі: Қазақстан тәуелсіздігін алғанына 2 жыл толмай жатып, 1993 жылы 15 қараша күні теңгені ресми түрде ақша айналымына енгізген екен.
Әпкесі: Ия, 15 қараша ұлттық валюта күні ғой...
Інісі: Теңгенің ең алғашқы дизайны қалам, калька және тушь арқылы салынған екен,себебі әрлеушілердің қолында бұдан басқа ешқандай құрылғы болмаған.
Әпкесі: Бұл жайлы естімеппін, әйтеуір алғашқы теңгелер шетелде басылып шығарылғанын естіп едім, қай мемлекетте екенін ұмытып тұрмын...
Інісі: Теңгенің бірінші топтамасы Лондонда басылып шығарылыпты.
Әпкесі: Ия, енді есіме түсті. Осы басылып шыққан теңгені елге жеткізу үшін ұшақтармен 20-ға жуық әуе сапары жасалған екен.
Інісі: Алғашында теңгемен қатар тиын да айналымда болған екен, сол алғашқы қағаз тиындарды көріп қайттық. Маған бұл көрме естен кетпес әсер қалдырды.