Өсімдіктер мен жануарлардың адамға тигізетін пайдасы:
1.Өсімдік адамға көлеңке болумен қатар, адамның азық-түлігі де.Тағамның басым бөлігі өсімдік түрінен алынады десе болады. Өсімдік ауаны көмір-қышқыл газынан тазартады. Тіпті киімді де өсімдіктен аламыз.Мәселен,мақтадан. Ағашты құрылыс,үй салуға пайдаланамыз.Сонда өсімдік-әрі баспана,әрі киім,әрі тамақ десек болады. Өсімдікті әсемдік үшін де пайдаланмыз.
Ал жануарлар дүниесі, ет,сүт, бағытында өсіріледі. Олардың пайдасы сол -адамға тамақ болады.Сонымен қатар терісі мен жүнін өндірісте пайдаланып жүрміз. Жүнінен,терісінен киім,аяқ киім тігеміз.
Жануарлар мен өсімдіктер -біздің басты байлығымыз. Олардың қоры азаймауы үшін жануарларды қорғау, азаймауына көңіл бөлу қажет.Өсімдіктерді де "Бір тал кессең,10тал ек" деген қағида бойынша қамқорлыққа алуымыз керек.
Эссе
Қазақтың қолөнері
“Ата өнері – балаға мұра” дегендей, қолөнер – қазақ халқына бұрынғы заманнан тараған өндірістің бірі.
Қолөнершілер табиғи шикізаттарды пайдаланып, қарапайым еңбек құралдарының көмегімен тұрмысқа қажетті бұйымдар, музыкалық аспаптар, қару-жарақ, құрал-саймандар жасайды. Қазына сандығындай Қазақстан жерінен әлі күнге дейін небір аймақтың қолөнершілерінің жасаған бұйымдары табылып жүр. Бұлақтай сылдырлаған сырға, шолпылар, жыландай оратылған білезік, сақиналар, түрлі оюлары бар ағаштан жасалған ыдыс-аяқ, жиһаз және т.б. дейсіз бе, бәрі бар.
“Қол өнері – кілемде, сөз өнері – өлеңде” демекші, шешеннің шеберлігін сөйлеген сөзінен білінсе, қолөнершінікі бұйымынан-ақ байқалады. Қазір де бұл өнерге көңіл бөлініп, дамып келе жатыр. Елімізде отандық өнім, қазақы нақыштағы мүліктер сәнге айналуда. Үй ішіне төл оюларымыз ойылған үстел, орындық, сандықтар алады. Ет беретін астау, табақтар, ожаулар да өткеніміздің көзі секілді. Қазақ қолөнері – қазақ халқының мәдениеті мен тарихы. Халқымызға сіңген өнер келешекте өз мәнін жоғалтпайды деп сенемін.