Менің жазғы демалысым.
Саяхатқа шығуды ұнатпайтын адам жоқ шығар. Мен өз басым саяхат десе, ішкен асымды жерге қоюға дайынмын. Мейлі ауыл болсын, қала болсын, қыдырғанды өте қатты ұнатамын. Сапар шеккен адам ел көреді, жер көреді, ой – өрісі кеңейеді, бой жазып қайтады. Саяхатқа қатысты менің арманым бар, ол – барша әлемді шарлау. Әзірге осы арманыма ата - анамның арқасында бір адым жақындадым десем де болады, себебі біз биыл отбасымызбен жазғы демалысқа Түркия еліне аттандық. Бұл менің алғашқы шетелге саяхатым болды. Бауырлас Түркия елі бәрімізге ұмытылмас әсер қалдырды. Біз Стамбул қаласына дейін ұшақпен жетіп, әрі қарай арнайы автобуспен қонақ үй орналасқан Анталия қаласына келдік. Айта кететін бір жайт, Түркияның жолдары тегіс, әрі автобустың өзінде ұшақтағыдай арнайы адамдар жұмыс істеп, тіске басар мен түрлі сусындар тарататыны ерекше әсер қалдырды. Сонымен біз Жерорта теңізінің жағасында орналасқан бес жұлдызды қонақ үйімізге де келіп жеттік. Бөлмеміз кең әрі жарық, ішінде керекті заттардың барлығы табуға болады. Ішетін тамағымыз тегін болды. Балаларға арналған арнайы бассейн мен алаңдарда армансыз ойнап, теңіз суына түсіп, күнге де біраз күйдік. Демалыс уақыты әп – сәтте өте шыққандай болды. Отбасы мүшелерінің барлығы демалыстан оң әсер алды.
Бұл шетелге шығудың бастамасы ғана деп білемін. Алда әлі сапарларымыз көп болғай!
Жекеше: Көпше:
Мен аспаз+бын Біз аспазбыз
Сен аспаз+сың Сендер аспазсыздар
Сіз аспаз+сыз Сіздер аспазсыздар
Ол аспаз Олар аспаз
Тәуелдік жалғаумен тәуелдеу:
Жекеше: Көпше:
Менің аспаз+ым Біздің аспаз+ымызСенің аспаз+ың Сендердің аспаз+дар+ың
Сіздің аспаз+ыңыз Сіздердің аспаз+дар+ыңыз
Оның аспаз+ы Олардың аспаз+дар+ы
Септік жалғаумен септеу:
Атау септігі кім? Аспаз
Ілік септігі кімнің ? Аспаз+дың
Барыс септігі кімге? Аспаз+ға
Жатыс септігі кімде? Аспаз+да
Табыс септігі кімді? Аспаз+ды
Шығыс септігі кімнен? Азпаз+дан
Көмектес септігі кіммен ? Аспаз+бен