Салт-дәстүр ұлт үшін өмір, қоғам заңы болып негізделіп, сана, тағылым, тәрбие, тіршілік ережесі ретінде ел зердесіне рухани байлық — өнеге тәжірибесін құраған. Бұл талаптар мен ережелерді халық бұлжытпай орындаумен бірге оны құрметтемеген, сақтамаған адамдарды сол заң негізінде жазалап та отырған. Өткен заманда қазақ қоғамы үшін салт-дәстүр бұлжымас заң рөлін атқарды. Мысалы, той, наурыз көже, қыз ұзату, қонағасы, шашу, ерулік ата салты болып саналады. Салт-дәстүрдің ел арасындағы тәлімдік, тәрбиелік, халықтық мәні зор. Халықтың атадан балаға көшіп, дамып отыратын тарихи әлеуметтік, мәдени-тұрмыстық, кәсіптік, салт-сана, мінез-құлық, тәлім-тәрбие және рухани іс-әрекетінің көрінісі дәстүр арқылы танылады. Салт-дәстүр байлығы — мәдениеттің байлығы. Мысалы, ата-ананы, үлкенді құрметтеу, байғазы, көрімдік, сүйінші, кәде сұрау, сәлем беру, ат тергеу, құрдастық қалжың, т.б. салт-дәстүрге жатады. Қазақ халқы салт-дәстүрге бай. Әдет, ғұрып, ишара, ырым, тыйым, дағды бәрі осы салт-дәстүр көрінісі.[2]
Менің ойымша қазіргі барлық әжелердің бейнесі нағыз әже бейнесіне сай келмейді. Мүмкін арасында иманды да өте ақылды әжелер бар, бірақ ондай әжелердің саны күннен-күнге азайып келеді. Мысалы өткен замандағы немесе өзіміздің аналары, яғни әжелерді алып қарасақ ақылы жасына сай, өте пысық әйелдер болған. Ал қазіргі жасы үлкен әйелдерді қарастырсақ, мейлі бәрі емес бірақ көбісі жастармен жарысып киінеді, 21 ғасырға сай болайын деп түрлі нәрселерді пайдаланады.Әрине әжелерді құрметтеу қажет, себебі олар өмірін көрген, қиындықтарды өткізген,бірақ олардың барлығы құрметке лайық емес. Заманға сай болу үшін өзіне жараспайтын қылықтарды істеп, жастар бізді құрметтесін деген оймен жүретіндерде жеткілікті. Бір жағынан айтып кеткендей өткен заманның әжелері жан-жақты болған, олар тек бала бағу оларға ақыл үйретуді ғана үйретіп қоймай, жүректері иманға толы болған, уақытылы намазын тыстамай үнемі дәретпен таза жүрген. Ал қазіргі әжелердің барлығы ондай емес деп ойлаймын. Діни сауаттылық өмірге қажетті, себебі ол арқылы да баланы дұрыс жолға салуға болады. Қорыта келе, айтқым келгені қазіргі заманғы әжелер бейнесі иманды да ибалы, ақыл үйрететін, тек баланы ғана емес өзге адамдарға да жақсы ықпалы тиетін, жақсы ойлар тудыратын бұрынғы әжелерімізге ұқсағаны жөн