Тәуелсіздік бастауы - желтоқсан.
«Тәуелсіздік» ұғымы кімнің болмасын бойында мақтаныш сезімін оятып, ұлтжандылыққа жетелейтіні анық. Тәуелсіздік таңбасы таста, қаны қара жердің тамырында жатқан құдіретті сөз, әрбір адам кеудесін көтеріп, мақтанып айтатын қасиетті ұғым. Желтоқсанның желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптастық.
Сонау ата-бабаларымыздың, аға-апайларымыздың рухын таптамас үшін, кейінгі ұрпақ тыныш елде мекен етсін деп ақ найзаның ұшымен, ақ білектің күшімен сақтап қалған жер үшін, атамекен ел үшін еңбектерін, төккен терлерін зая кетірмес үшін біз өз Тәуелсіздігімізді мықты әрі берік етіп сақтау - біз үшін міндет.
Сондықтан Сіздерге тілерім - Тәуелсіздігіміз тұғырлы, егемендігіміз еңселі болсын! Желтоқсанның ызғарлы желі енді соқпасын! Бейбіт заманда өмір сүріп, аспанымыз әрқашан ашық болсын! Бір шаңырақтың астында тату – тәтті өмір сүріп, еркіндігімізді сақтайық! Еліміздегі бейбітшілік пен ынтымақтастықты одан әрі нығайта түсейік! Тәуелсіз Қазақстанымыз жасасын! Ойымды М. Қаниевтің өлең жолдарымен аяқтағым келеді:
Қазақстан тәуелсіз ел, қанатын жайған әлемге,
Ақ бозаты оза шауып, жаңғырған аты әлемде.
Өткен күндер келмеске кетті, тарихта қана айтылып
Жанарларын мұң шалмай, ұлың мен қызың күлуде...
Алдабергенов қызмет істейтін зеңбіректің кіші командирі сержант жігіттің бұйрығымен зеңбірек оқталды.
Ол майданға келгелі екі жылдай болып қалды.Содан бері оқтаушының қызметін бес саусағындай біліп алған.
Жаудың екі-үш зеңбірегі Алдабергенов қызмет ететін зеңбіректің тұрған жерін біліп қалса керек, дәл көздеп ата бастады. Жау снарядтары жақын келіп, түсіп жатыр.
Оқтаушы мен атушы ат жегілетін қайысты мойнына салып, екі ат сүйрейтін 76 миллиметрлік зеңбіректі дырылтатып сүйреп ала жөнелді.Қалай шапшаң,қалай тез қозғағандарын өздері де жөндеп аңғара алмай қалды. Жау әскерлері нысанаға алған жерден жүз метрдей ұзаған кезде барып тоқтады да,екеуі артына қарады. Сәлден кейін екі зеңбіректі қайта сүйреді. Тағы да бір жүз метрдей ары апарып орнатты. (110сөз)