Бұл орайда елең еткізген жаңалық — тұңғыш мемлекеттік ресми идеология, яғни «Мәңгілік Ел» идеясының жариялануы. Бұл — Қазақстан Республикасының ұлттық идеясынан келген түйін-тұжырым. Мәңгілік Ел отандастардың бірегей тарихи мақсаты мен қаһармандық ұраны десек қателеспейміз. Аталған идея қазақ елінің ғасырлар бойы армандаған мақсаты ғана емес, Тәуелсіздік жолындағы жанқиярлық еңбегі мен тынымсыз шығармашылығының нәтижелері арқылы қол жеткен асу. «Мәңгілік ел» ұғымын тереңнен түсіндіру, тарихи негіздерін көрсету мәселелері маңызды болып табылады.
Сөйлемнің бірыңғай мүшелері – сөйлемнің бір ғана мүшесінің қызметін атқаратын,бір ғана сұраққа жауап беретін,көбінесе бір тұлғада,бір сөз табынан жасалып,бір ғана сөзге қатысты болатын сөздер тобы. Сөйлемнің барлық мүшелері де сөйлемнің бірыңғай мүшелері бола алады.Мысалы: Күн бата Арман,Есет,Бейбіт үйлеріне қайтты.Ашық та ақжарқын жүретін жан екен.
Сөйлем мүшелері сөйлемдегі маңызына,қызметіне қарай тұрлаулы мүшелер және тұрлаусыз мүшелер болып екі топқа бөлінеді.
Тұрлаулы мүшелер: бастауыш пен баяндауыш.
1) Бастауыш – сөйлемдегі ойдың иесі,ол нөлдік, көптік, тәуелдік тұлғаларда есімдіктен, есім сөз таптарынан жасалады.Мысалы: Берік үйге жүгіріп келді.Атамекен – маған ыстық туған жер.
2) Баяндауыш – бастауыштың негізгі қасиеттерін нақтылай келе етістіктен, т.б. сөз таптарынан жасалады.Мысалы:Мен дүкенге кеттім.Анам жұмысқа бара жатырған еді.
Тұрлаусыз мүшелер: анықтауыш, толықтауыш, пысықтауыш.
1) Анықтауыш заттың, субстантивтенген сөз таптарының, септік жалғаулыпысықтауыштарды айқындайды, оның сапалық, меншікті түрлері бар.Мысалы: Алыстан әсем тау көрінді.Сөренің үстінде тұрған еді ғой.
2) Толықтауыш септелген сөздердің заттық қасиетін көрсетеді де, тура және жанама түрлерге бөлінеді.Мысалы: Үйден кітапты алып қайту керек болды.Інім бүгін күреске қатысады.
3) Пысықтауыш көбіне қимылға, кейде есімдерге де қатысты жұмсалады. Мысалы: Ол аяғын ілгері басты.Таңертең жолға шықтық.