Толықтауыш - сөйлемде атау мен іліктен басқа септіктердің бірінде тұрып, бір мүшені заттық мағына жағынан толықтырып тұратын тұрлаусыз мүше.
Толықтауыштың сұрақтары: кімді? нені? кімге? неге? кімде? неде? кімнен? неден? кіммен? немен? кім (не) туралы жөнінде? кім (не) жайында?
Анықтауыш - сөйлемде зат есімнен болған не заттық мағынада қолданылған мүшені сын-сапалық, сан-мөлшерлік, меншіліктік–қатыстың жағынан анықтап тұратын тұрлаусыз мүше.
Анықтауыш қандай? қай? кімнің? ненің? қайдағы? қашанғы? қанша? неше? нешінші? қайткенде? не еткенде? деген сұрақтардың біріне жауап береді. Құрамына қарай дара (қара), күрделі (қара көк) болып екіге бөлінеді.
Пысықтауыш - сөйлемде іс-әрекет, қимылдың жай-күйін, амалын, мөлшерін, мезгіл-мекенін, себеп-мақсатын білдіретін тұрлаусыз мүше.
Пысықтауыш қалай? қайтіп? қашан? қайда? қайдан? неліктен? не себепті? кім үшін? не үшін? не істеуге? не мақсатпен? не арқылы? кім арқылы? неше рет? деген сұрақтарға жауап береді.
Мектеп қабырғасында оқып жүрген әр оқушының өзіне ұнайтын пән болады. Қандай пәнді алып қарасақ та, оның маңызы зор. Маған ерекше ұнайтын пән - география пәні. Геграфия сабағы барысында өз ойымды еркін жеткізіп отырамын. Бұл пәнді оқи отырып, әлемнің түрлі елдерін біліп, олардың экономикасы мен халқының жағдайын толық меңгеріп шығуға болады. Мен ылғи география пәнін назардан тыс қалдырмай оқимын. Үйге берілген тапсырмаларды және картамен жұмысты ерекше ынта-жігермен орындаймын. Болашақта осы пәнмен байланысы бар маман иесі болсам деймін.