Ел үшін басын бәйгеге тіккен бабаларымыз болғанын жақсы білеміз. Олар ұрпақтарына тәуелсіздік сыйлау үшін, жақсы өмір сүруі үшін өзінің өмірін қиған. Бізге тәуелсіздікті алып беру үшін неше түрлі қиындықты бастан кешкен. Ата- бабаларымыз қандай болған десеңші. Олар жақсылық жолында күрескен. Біз ата-бабаларымызды мақтан тұтамыз. Ата-бабаларымыз арыстандай айбатты, жолбарыстай қайратты болған. Біз ата- бабаларымызды ұмытпауымыз керек. Батырларымыз: Қабанбай батыр, Бөгенбай батыр, Наурызбай батыр. Керей мен Жәнібек. Ұлы отан сонысына қатысқан: Әлия Молдағұлова, Мәншүк Мәметова, Бауыржан Момышұлы. Айта берсек батырларымыз көп болған. Біз батырлардың ұрпағымыз. Қазіргі таңда ел болашағы біздің қолымызда.
Алтын орда әдебиеті жас ұрпақты патриоттық отаншылдыққа тәрбиелейтін құнды мұра.Осы ретте тарихи жырлардың («Еңсегей бойлы ер Есім», «Абылай хан», «Қаракерей Қабанбай батыр», «Қанжығалы Бөгенбай батыр», «Шақшақ Жәнібек батыр», «Райымбек батыр», «Ер Жәнібек», «Олжабай батыр», «Өтеген батыр», «Исатай-Махамбет», «Досан батыр», «Сұраншы батыр», «Бекет батыр», «Кенесары-Наурызбай», «Жанқожа батыр», «Арқалық батыр», «Ер Әжібай», т.б.) негізгі идеялық мазмұны елді басқыншы жаулардан қорғап, ел мен жердің бүтіндігін сақтау болып келеді.
Әдебиетте батырлар (Ер Есім, Төле би, Қабанбай, Бөгенбай, Абылай, Шақшақ Жәнібек, Райымбек, Олжабай, Ер Жәнібек, Барақ, Ер Әжібай, т.б.) қорқуды білмейтін, жаужүрек жандар. Сонымен қоса батырлардың жекпежектері мен мінген аттарына ғана мән беріліп қоймай, олардың сыртқы тұлға-бітімдеріне де назар аударып, жалпы жұртқа үлгі ете жырлаған. Сөйтіп, елдік пен ерлік туралы халық идеясын жарқырата ашқан. Батырларға портреттік сипаттама берумен бірге олардың адамгершілік қасиеттері де қаға беріс қалмаған. Осы ретте хандар да жырдың негізгі қаһармандары қатарында көрінеді. Ханның әділ болуы – елдің бағы. Елін құрап, ерін біріктіріп берекеге шақырса, бұл – ханның ақылдылығы. Ел тағдырын ойлап, әр істі ақылдасып шешу де ханға қажет әрекет. Біз сөз еткен жырлардағы хандар – ел мүддесін алғы кезекке қойған жақсы істерімен жарқырап көрінетін тұлғалар. Сондықтан олардың іс-әрекеттері мадақ етіледі, барынша шынайылықпен өрнектеледі.