Досыма хат.
Сәлем,досым! Қалың қалай?Сабақ үлгерімің ше?Менде бәрі жақсы.Кеше ғана төрт пәннен бестік алғанмын.Маған кешегі күнім ерекше өтті.Не үшін дейсің ғой?Себебі,мен кеше ата-анаммен концертке бардым.Бұл концерт қазақ халық музыкалық аспаптарымен болды.Әрине,“нағыз қазақ – қазақ емес,нағыз қазақ – домбыра” демекші,басты аспап домбыра,одан кейін қобыз,шертер, сазсырнай,жетіген және т.б болды.Алғашында мен барғым келмеді.Заманауи әндерді таңдайтын мен үшін бұл концерт іш пыстырарлықтай өтеді деп ойладым.Барғым келмейді десем де ата-анам күштеп апарды әрі үйде жалғыз қалуға қорқатынымды сен білесің ғой.Алайда,концерт мен ойлағандай емес, жоғарғы деңгейде өтті.Концертте Қазақ КСР-нің Халық әртістері,әйгілі опералық және камералық әншілер Әлібек Дінішев және Ермек Серкебаев өз өнерлерін көрсетті.Әлібек Дінішев “Люблю тебя,мой край родной” әнін орындаса,Ермек Серкебаев “Абай” операсын айтты.Және де қазақ примадоннасы атанған Роза Рымбаева да келді.Ол “Бір бала” әнін айтып,көрермендерді,соның ішінде мені бір тебіренткен еді.Осыдан кейін мен концерттерге барып тұруды шештім.Өйткені,ол мен ізденіске, зейінділікке үйретті.Сені бірге баруға шақырамын.
Хат жазған: (сенің есімің/твоё имя).
Туған жер адам өмірінде киелі орын алады. Осы жер оны өткенімен және болашағымен байланыстырады. Ата-баларымыз найзаның ұшымен, білектің күшімен сақтап бізге аманат етіп қалдырған асыл қазынаны көзіміздің қарашығындай сақтауымыз қажет. Жыраулар жырлаған, ақындар өлең арнаған, суретшілер сурет арқылы туған жердің әсемдігін, олар үшін аса қымбат екендігін көрсетуге тырысқан. Туған жеріміздің топырағы, асқар таулары мен өзен-көлдері, даласы өте қажет екенін, сол үшін туған жерімізді құрметтеу, қорғау біз үшін міндет екенін естен шығармауымыз қажет. Бір сәт көзімізді жұмып туған жерімізді ойға алатын болсақ, ең алдымен ата-ана, бауырларымыз және достарымыз еске түседі. Себебі туған жер ол адамның шағын Отаны. Самал желімен, балалық шақтағы естеліктерімен, ата-апаларының қызықты әңгімелерімен байланыстырады. Халықта «Туған жердің жусаны жұпар», – деп бекерден айтылмаған. Әрбір тас, әрбір гүлі, бәрі-бәрі адам үшін ыстық болып тұрады. Сонымен қатар бабаларымыз қалдырған туған жерге байланысты керемет мақалдар көп. Халық даналығының ұрпақты тәрбиелеуде берер мәні өте зор. Сол мақалдардың барлығы тек Туған жерді құрметтеуге, қастерлеуге, қорғауға, Отанды сүюге арналған. Тоқсан ауыз сөздің тобықтай түйіні туған жерге деген ыстық махаббат «Мен – Қазақпын», «Туған жерімді сүйемін» дейтін әрбір адамның санасында, ойында болуы керек.
Сондықтан «Адырна» ұлттық-этнографиялық бірлестігі ұйымдастырып жатқан «Туған жер» жобасына қатысуға шақырамыз. Жоба аясындағы барлық іс-шаралар Азаматтық бастамаларды қолдау орталығының қолдауымен өтеді.