Question

Руна жазуын мемлекеттік деңгейде қастерлей алмай келеміз Бүгін ҚР Парламенті Мәжілісінің жалпы отырысында Үкімет басшысының атына сауал жолдаған депутат Алдан Смайыл осылай мәлім етті.Депутаттың айтуынша, әлемдік өркениеттің ұлы мұрасы саналатын түркі жұртының көне жазу үлгілері терең зерттелгенімен, мемлекеттік деңгейде құрметтелмей отыр.

«Руна немесе сына жазуының күнін жыл сайын өткізіп тұру жөніндегі ұсынысымыз Үкіметтің тарапынан осыдан үш жыл бұрын құпталды, алайда жүзеге асырылған жоқ», - дейді ол. Алдан Смайылдың айтуынша, талай жылдардан бері Ресей, басқа да сол тектес мемлекеттер Славян жазуының күнін бүкілхалықтық ауқымда атап өтуде. Жай ғана атамай, әлемге славян мәдениетінің ұлылығын дәлелдеуді осылай дәстүрге айналдыруда. Армян халқы әлі күнге қолданыстағы көне әліпбиінің әр әрпін алтыннан құйып, шіркеуде сақтап отыр. «Ал біз ше? Кирил жазуынан да көне, кейбір білікті түркологтар анықтағанындай, грек-славян әліпбиіне негіз болған руна - сына жазуын мемлекеттік деңгейде қастерлей алмай келеміз. Оны мектептен оқып - білу де терең ойластырылмаған. Мұндай самарқаулық - рухани саладағы елеулі олқылық. Қазақстан Республикасында Сына жазуы күнін жыл сайын атап өту аса маңызды ұлттық қажеттілік. Сонда төл жазуымыз - Руна жазуының әлемдік маңызы арта түсер еді. Сізден осыған ерекше мән беруді және солай болуына ықпал етуді өтінеміз», - деді Алдан Смайыл.

1.Мәтіннің стилі -

2.Мәтіннің негізгі ойы -

3.Мәтіннің мақсаты (стиліне қатысты) -

4.Мәтінде қолданылған тілдік құралдар-

5.Мәтіннің көзделген аудиториясы-

аннотация жазыңыз (4-5 сөйлем)