Хатты түсініп оқып, стильдік ерекшелігіне сай құрылымына талдау жасап, түсіндіріңіз.Внимательно прочитайте письмо, проанализируйте и объясните его структуру в соответствии со стилевыми особенностями. Сәлеметсің бе, құрметті досым, Әнуар! Денсаулығың, сабағың жақсы ма? Отбасың аман ба? Өзім туралы айтсам, үй-ішім аман, сабағым өте жақсы. Менің еліміздің тарихына ерекше қызығушылық танытатынымды сен жақсы білесің ғой. Осы хатымда саған ел тарихындағы батыр әйел Тұмар патшайымның ерлігі туралы айтқым келеді. Сақ тайпасының патшайымы Тұмарға парсы патшасы Кир кісі жіберіп, өзіне тұрмысқа шығуын сұраған екен. Бірақ бұл - массагеттерге соғыс ашу үшін Кирдің ойлап тапқан амалы еді. Өйткені Тұмардың келісім бермейтінін ол жақсы біледі. Кир Крездің ақылы бойынша сақ әскеріне қарсы аз ғана әскерін қалдырып, кейін шегінеді. Сақтар парсылар жеңілді деген оймен жеңістерін тойлай бастаған еді. Сол кезде парсы әскерлері кенеттен шабуыл жасайды. Кир Тұмардың ұлы Спаргапты тұтқынға алады. Тұмар патшайым Кирге кісі жіберіп, ұлын босатуды сұрайды. Бірақ Кир Спаргапты босатпайды. Тұтқынға түсіп қалғанына намыстанған Спаргап өзін-өзі өлтіреді. Бұл хабарды естіген Тұмар патшайым ашу-ызамен Кир әскерімен соғысады. Нәтижесінде массагеттер әскери амалдарды өте жақсы меңгергендіктен, парсыларды жеңеді. Осы шайқаста Кир де қаза болады. Тұмар патшайым Кирдің басын кесіп алып, оны қан толған ыдысқа батырып, сертін орындаған екен. Әнуар, тарихымызда ерлермен қатар ерлік көрсеткен аналарымыздың батырлығын біліп жүргеніміз қандай жақсы! Сен де осындай қызықты тарихи оқиғалар туралы білсең, менімен бөлісуіңді өтінемін. Хат күтемін. Сау бол! Сәлеммен досың Айдар Сұрақ Жауап Хат құрылымының ерекшеліктері қандай?/Каковы особенности структуры письма? Хаттың кіріспе бөлімі не туралы? (2 сөйлем) Хаттың негізгі бөлімі не туралы? (3 сөйлем) Хаттың қорытынды бөлімі не туралы? (2 сөйлем) Хаттың соңы қалай аяқталады?
Достық туралы фразеологизмдер (тұрақты сөз тіркестері):
Арасынан қыл өтпейді – өте тату
Арқа сүйеу – сүйеніш еті
Әңгімесі жарасу – ортақ тіл табысу
Бауыр басу – үйрену
Қаймағы бұзылмау – бірлігі бұзылмау
Қол жалғау (қол ұшын беру) – көмектесу
Етене жақын - жан достай
Қастандық туралы фразеологизмдер (тұрақты сөз тіркестері):
Ала жіпті аттау – қиянат жасау
Ақ ауыз қылды – алдап кетті
Жер астынан жік шықты, қос құлағы тік шықты – табан астынан бәле шықты
Көзіне топырақ шашу – жамандық жасау
Тіс қайрау - өшігу
Көз аларысты - жауласты
Өштесті - өшін алды, кек қайтарды
Жеп қоя жаздады - ашуланды
Объяснение: