Театр дегеніміз - түрлі қойылымдар мен сахналық өнер мен, ойын - сауық өткізілетін орын.
Театрдың түрлері: қуыршақ театры, опера театры, опера және балет театры, драма театры, музыкалық драма театры т.б.
Астана қаласында қуыршақ театры, М. Горький атындағы драма театры, Астана Балет, Жастар театры, Қ. Қуанышбаев атындағы театр, Астана Опера, "Аттракцион" театры секілді театрлар бар.
Алматы қаласында Абай атындағы Қазақ мемлекеттік академиялық опера және балет театры, Мемлекеттік неміс драма театры, Мемлекеттік қуыршақ театры, Мемлекеттік Құдыс Қожамьяров атындағы ұйғыр музыкалық комедия театры, Мұхтар Әуезов атындағы Қазақ мемлекеттік академиялық драма театры, Ғабит Мүсірепов атындағы Қазақ мемлекеттік балалар мен жасөспірімдер театры бар.
Менің қаламда С. Қожамқұлов атындағы музыкалық драма театры бар.
Ия, мен қаламыздағы театр қойылымдарын өткізбей көріп тұрамын. Сонымен қатар қаламызға гастролдық сапармен келген театр қойылымдарын тамашалағанды ұнатамын.
Маған Шәмші Қалдаяқовтың тағдырын тоқайластырған Исраил Сапарбайдың "Сыған серенадасы" атты поэтикалық драмасы ерекше ұнайды.
Қазақстан Республикасы.
Қазақстан Республикасы әлемде татулығы мен ұлтаралық бірлігі жарасқан ел ретінде танылған. Қазақстанның кең байтақ дархан жерінде жүзден астам ұлт өкілдері тату - тәтті өмір сүріп жатыр. Елімізде түрлі ұлт өкілдерінің татулық діңгегі ажыраған емес.
Біз жас ұрпақ осындай кең байтақ жеріміздің көгінде тек қана бейбіт құсы қалықтап ұшып, мемлекетіміз одан әрі көркейе беруін қолдаймыз. Себебі, бейбітшілік бар жерде, бақыт орнап, тыныштық болады. Одан әрі қарай да бейбітшілік пен татулықты сақтап, ынтымақтастықты ұстап тұрсақ, ата - бабаларымыз ақ найзаның ұшымен, ақ білектің күшімен қол жеткізген Тәуелсіздігіміз де мәңгі болмақ.
Бұл бір жағынан Елбасымыздың көреген саясатының арқасында деп білеміз. Болашақта жақсы білім алып, еліміздің гүлденіп, көркеюіне өзіміздің қомақты үлесімізді қосамыз деп білемін.
Әрбір азамат туған өлкесін, елін, жерін, салт-дәстүрін, тарихын құрметтейтін, сүйетін, мақтан тұтатын, Ұлтжанды азамат болу керек. Ол үшін өткенін біліп, бағалау керек. Өзі туған қасиетті Отанын оттан да ыстық бағалау, сүю керек деп ойлаймын. Барлық әлемде тыныштық орнап, бейбіт заманның ғұмыры баянды болғай! Себебі барлығымыз да бейбіт заманда өмір сүруге лайықпыз деп есептеймін.