Зияткерлік спорт - білімді ұрпақ негізі.
Халқымыздың ұлттық ойындары ішінде қимыл - қозғалысты ширататындарымен қатар, ақыл - ойды жетілдіретіндері де жетерлік.
Қай спорт түрі болмасын денсаулыққа пайдалы екені баршамызға мәлім, ал зияткерлік спорт жастарымыздың білімді, алғыр болып қалыптасуына өз септігін тигізеді.
Зияткерлік спорт түрлеріне түрлі IQ додалар, сұрақ - жауап ойындары, шахмат ойыны, қазақтың ұлттық тоғызқұмалақ ойыны, дойбы ойыны секілді ойындарды жақызуға болады. Соңғы уақытта зияткерлік спорт түрін дамытып, жетілдіруге үлкен мән беріліп отыр. Соның дәлелі ретінде елімізде зияткерлік спорт түрлерінен өткізілетін дәстүрлі Еуразия кубогын жатқызуға болады. Аталған турнирдің басты мақсаты - қазақстандық жастардың интеллектуалдық әлеуетін дамыту және еліміздегі интеллектуалдық қозғалысқа қоғам назарын аудару. Бұл турнир - еліміздің аумағындағы ең үлкен зияткерлік сайыс, оған 40 - тан аса мемлекет командалары қатысып, бақ сынасады.
Сонымен қатар еліміздің аумағында зияткерлік спорттың дамыту мақсатында түрлі іс - шаралар ұйымдастырылады.
Түрлі әлемдік зияткерлік додаларда еліміздің атын шығарып жүрген спортшыларымыздың ішінде он төрт жасында гроссмейстер атанған Жансая Әбдімәлік, тоғызқұмалақ ойыны бойынша Гүлжанат Алдабергенова, Азамат Хайдар, Гүлнәр Нұрлыбаевалар, дойбыдан Рүстем Омаровты атап өтуге болады.
Жібек– жібек құртының пілләсынан өндіріліп, тоқыма-мата өнеркәсібінде пайдаланылатын табиғи талшық. Кейде сондай талшықтан тоқылған матаны да жібек деп атайды. Жібек құрты қуыршаққа айналар алдында арнаулы бездері бөлетін жібек жіпше – піллә түзеді.
Өндірістік жібек, негізінен, тұт ағашының қолдан өсірілетін (асыранды) құртынан және жабайы емен құртынан алынады. Асыранды жібек құрты барлық жібектің 90%-ын береді. Көп еңбек қажет ететіндіктен, жібек ең қымбат саналады. Сондықтан қазір жасанды жібек өндірісі жолға қойылған. Жалғыз пілләдан алынған талшық тым жіңішке болатындықтан, тікелей өндірісте қолданылмай, тек жібек қасиетін зерттеу үшін пайдаланылады. Жібектің механикалық қасиеттері жоғары, әрі жақсы диэлектрик, 120 – 130°С ыстыққа төтеп береді, тек 160 – 170°С-та ғана ыдырай бастайды.