«Астана Опера» опера және балет театры Қазақстанның елордасы Астана қаласында Есіл өзенінің сол жағалауында орналасқан. Бұл театр сән-салтанаты асқақ ғимаратымен және залдардың көркемдігімен ғана емес, сондай-ақ талантты труппа орындайтын тамаша репертуарымен таң қалдырады. «Астана Опера» 2013 жылы ашылды. Театр өзінің алғашқы маусымын М.Төлебаевтың ұлы туындысы «Біржан-Сара» операсымен ашты. «Біржан-Сара» операсы музыкалық-поэтикалық дәстүрдің жарқын көрінісі. Сол жылдың күзінде «Астана Опера» театрының әлемдік тұсаукесері болып, Дж. Вердидің «Аттила» операсықойылды.
«Астана Опера» опера және балет театры әлемнің аса сәулетті театрларының бірі. Сәулеті бойынша ол Миландағы «Ла Скала», Мадридтегі Корольдік театр, Мәскеудегі Үлкен театр, Нью-Йорктегі Метрополитен - опера жәнет.б. атақты опера театрларының қатарынан орын алды. Театр сәулетінде ұлттық нақыш айқын көрінеді. «Астана Опера» - алыптығы мен техникалық мүмкіндіктері бойынша әлемдегі үшінші опера театры. Театрдың бас залы 1250 орынға есептелген.
1.Сөздерді дұрыс орналастырып, сөйлем құрап жазыңыз.
А) музыкалық-поэтикалық , «Біржан-Сара» операсы, көрінісі, дәстүрдің, жарқын
Б)театрларыныңбірі, «Астана Опера», әлемнің, опера және балет театры, аса сәулетті.
2. Мәтін бойынша сұрақтарға жауап беріңіз.
А) Театр қандай опера менашылды?
Б) Сәулеті қандай атақты опера театрларының қатарынан орын алды?
В) «Астана Опера» - алыптығы мен техникалық мүмкіндіктері бойынша әлемдегі нешінші опера театры?
