-Ұялы телефонның ерекшелігі
қандай?
-Ұялы телефон өте қолайлы.Себебі,сіз оны өзіңізбен ұстап жүре аласыз және қай жерде болсаңызда біреуге қоңырау шала аласыз,интернет арқылы желіге кіре аласыз.
-Оның адамдарға қандай пайдасы бар?
-Менің ойымша, бұл өте тиімді зат. Сол себепті, сіз үйде отырып-ақ желіге кіріп, әртүрлі заттарды сатып ала аласыз, досыңызға хабарласасыз. Қолындағы ұялы телефон арқылы өзіне қажет жаңа ақпарат ала алады.Ақпаратты жеткізу,алу кезінде қолайлы зат.
-Ұялы телефонды сабақта қолданғанымыз дұрыс па?
-Әрине, бұл дұрыс емес. Сабақ уақытысында жаңа ақпараттарды алып үйренесіз, телефонның қажеті жоқ, себебі ол сіздің көңіліңізді аулап, сабақты түсінбей қалуыңыз мүмкін.
-Қай уақытта қолдануға болады?
-Бос уақытыңызда, я болмаса қоңырау шалу керек кезінде. Телефонды көп қолдансақ, денсаулыққа кері әсер тигізетіні анық.
Дәрігер болғым келеді.
Елбасымыз Нұрсұлтан Әбішұлы Назарбаев: “Жарқын болашақ жастардың қолында” дегендей, біздің болашағымыз өз қолымызда.
Мені өскенде кім боламын, қандай мамандықты таңдаймын деп ойланамын. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.
Мамандық таңдау өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.
Менің арманым дәрігер болу. Дәрігер болуды жаным сүйеді. Дәрігер ол өзінің адамдарға берген шипасы, адамды сауықтырып, адамдарды өмір сүруге күш салатын жандар!
Дәрігерлерді халқымыз әдетте "ақ халатты абзал жандар" деп атайды. Себебі олар науқастарды емдеп, олардың жандарына араша түседі. Науқастардың жазылып кетуіне бар білімін, күш - жігерін жұмсап, аянбай еңбек етеді. Дәрігер болу үлкен жауапкершілікті талап етеді. Өйткені ол кісілер қашан болмасын көмекке келуге әзір болу керек. Бұл кісілер тынымсыз еңбек етеді.
Дәрігер болу үшін асқан шыдамдылық та керек, өйткені дәрігер болу үшін ұзақ жылдар ізденіп, оқу керек. Бірақ соңында емдеген адамың жазылып кетсе, одан асқан қуаныш пен бақыт жоқ деп ойлаймын. Бұл деген сенің еңбегіңнің бағаланғаны.
Дәрігер болу үшін өз жұмысыңа салғырт қарамай, тиянақты болу керек. Себебі адам өмірі мен денсаулығына қауіп төнуі мүмкін.
Болашақ мамандығымды дұрыс таңдадым деп нық сенемін.