Тәуелсіздік кезеңінен бері Қазақстанның көптеген қалалары мен ауылдарының, әсіресе, Алматы және Ақмола облыстарының келбеті айтарлықтай өзгерістерге ұшырады. Ірі-ірі әкімшілік ғимараттары мен тұргын үй кешендері, көптеген жаңа ескерткіштер пайда болды.
Алматы қаласында тәуелсіздік жылдары салынған бес жұлдызды Президент резиденциясы, «Анкара» (авторы - Бижан Туберг, Түркия) және «Рахат-Палас», «Астана» қонақ үйлері мен т.б. құрылыстар әсемдіктерімен көз тартады. Соңғы сәулеттік үлгілермен банк, кеңсе, сауда кешендері, үйлер мен супермаркеттер бой көтеруде. Оның ішінде Астана, Алматы қалаларында салынған «Рамстор» ғимараттарын атап өтуге болады.
Әсіресе, сәулет өнерінің ең үздік жетістіктерін пайдаланып, Астана қаласында алуан түрлі ғимараттар салынуда. Президент резиденциясы мен Министрлер Кабинетінің әкімшілік ғимараты және Парламент Үйі, сондай-ақ, Ішкі істер министрлігінің ғимараты, Қаржы министрлігінің кешені, «Самал» тұрғын үйлер ауданы, аэропорт, Есіл өзені аймағындағы кешен, т.б. айтыл өтуге болады. Соңғы кезеңдерде бұл аймақтарда жаңа Үкімет үйі, «Сити-маркет» сауда орталықтары, Спорт сарайы, Ұлттық мұражай, Еуразия университетінің гимараттары салынды. «Бәйтерек» кешені мен Бейбітшілік пен келісім сарайы әсемдігімен көз қызықтырады.
Домбыра - халық даналығы. Ол халқымыздың өмір тәжірибесі мен табиғат, адам, әлем туралы білімдерін, ескі діни наным-сенімдері мен философиялық көзқарасын бейнелеп, оларды атадан-балаға, ұрпақтан-ұрпаққа жалғастырып отырды. Домбыра - көшпелі елдің көнекөз шежіресі, көпті көрген қарияның көкірек күйі. Ол халықтың тарихи тағдырымен тамырлас. Тарихтың хатқа түспеген талай беттерін паш етіп, халқымыздың тарихнамасына айналады. Ғалымдар осыдан кемінде 2 мың жыл бұрынғы бейнелердегі қос шекті аспаптың қазақ домбырасыме ұқсастығын айта келіп, оның Қазақстан жеріндегі байырғы көшпелілер арасында ең көп тараған аспапты бірі болғандығын дәлелдейді. Домбыра дәстүрінің дамуы ХІХ ғасырда шарықтау шыңына жетті. Мәдениетіміздің дәстүрінде көптеген кәсіби күйші-композиторлар қалыптасып, күйшілік дәстүр көптеген мектептерге бөлінді. Бұл күйші-композиторлар өзіндік стильдік ерекшелігімен, қағыс техникасымен, музыкалық тілімен, орындау шеберлігімен оқшауланып, өнерімізде жарқын із қалдырды. Домбыра - әр дәуірде мәдениетімізде дарынды тұлғалардың дүниеге келуіне мүмкүндік туғызды. Сондықтан, домбыра да қазақтың жеті кереметі қатарында.