Мен қалай оқуға бардым? Менің Әбіш деген құрдасым бар еді.
Әкесі оны оқуға берді. Бір күні ойнайын деп бар-
дым. Әбіш кітап оқып отыр екен. Тыңдасам, кітабында
жұмбақ, мақал, өлең, басқа да жақсы сөздер көп екен.
Оқу үйренсем, мен де сондай оқыр едім деп ойға
қалдым. Үйге қайтып келдім. Оқуға барамын дедім.
Әкем мен апам бүл ойымды ұнатты. Ертеңіне әкем мені
оқуға апарып берді.
Ахмет Байтұрсынұлы
Тыңдаған мәтін бойынша бір-біріне сұрақ қой.
• Мәтін неліктен үш бөлікке бөлінген?
Әр бөліктің тақырыбын анықтап, оларға ат қой.
• Төмендегі сұрақтардың жауабын жаз.
1. Әбіш маған кім болады?
2. Мені не қызықтырды?
3. Мен не істедім?
• Өзіңнің мектепке барған алғашқы күнің есіңде ме? Ойыңмен
бөліс.
Сағаттың шықылдағы емес ермек,
Һәмишә өмір өтпек ол білдірмек.
Бір минут бір кісінің өміріне ұқсас,
Өтті, өлді, тағдыр жоқ қайта келмек.
Сағаттың өзі ұры шықылдаған,
Өмірді білдірмеген, күнде ұрлаған.
Тиянақ жоқ, тұрлау жоқ, келді, кетті,
Қайта айналмас, бұрылмас бұлдыр заман.
Өткен өмір белгісі осы сыбдыр,
Көңілді күнде сындыр, әлде тындыр.
Ақыл анық байқаған қылығыңды,
Қу шыққансып қағасың босқа бұлдыр.
Күн жиылып ай болды, он екі ай жыл,
Жыл жиылып, қартайып қылғаны бұл.
Сүйенген, сенген дәурен жалған болса,
Жалғаны жоқ бір тәңірім, кеңшілік қыл.