Ана шынында да өмір гүлі, күннің нұры екен. Әрбір Ана сәбиінің дені сау болып, жақсы азамат болып өскенін қалайды. Түн ұйқысын төрт бөліп оянатын Ананың сенімін ақтау қажет. Ол үшін біз жақсы оқып, үлгілі тәртібімізбен, спорттағы, өнердегі жетістіктерімізбен көзге түсуіміз керек. Мен Анамды сыйлаймын, жақсы көремін. Ол мектепте мұғалім болып істейді. Оның жұмысы өте қиын да, қызықты. Мектептегі әр баланың мінез-құлқын танып-білуге тырысатын анам маған қатал тәртіп қояды. Біз анам екеуміз әр түрлі тақырыпта әңгімелесеміз. Мен қандай сұрақтар қойсам да анам жауап береді. Әсіресе мен кішкентай кезімдегі қылықтарымды еске түсіргенді ұнатамын. Анам мені еркелетіп, құшағына алып, маңдайымнан иіскеп тұрады. Ұйықтар алдында мен одан Абай, Сәкен, Ыбырай аталарымыздың балалық шақтары жайлы сұрай беремін, ол жауап беруден жалықпайды. Мен Анамның әрқашанда көңілді жүруін тілеймін! Ал мектепке келгенде бізді екінші анамыз – ұстазымыз Сәния Дүйсенбекқызы қарсы алады. Ол кісі жылы қабағымен қарсы ала отырып, бірден қатаң бақылауға алады. Әртүрлі мерекелерде біз қызықты ойындар ойнап, би билеп, ән саламыз, ертегі кейіпкерлері болып ойнаймыз. Сурет, би, хор үйірмелеріне қатысамыз. Сәния, Дәмелі ұстаздарымыз өте мейірімді жандар, біз ол кісілер мектептен қалмаса, ауырмаса екен деп ойлаймыз. Жазғы демалыста мұғалім бізді мұражайларға, қалаға серуенге, кинотеатрға алып барды. Біздің сыныпта Айнұр, Замира, Фатима деген қыздар бар. Олар әр түрлі мінезді, өнерлі. Наурыз айы - мереке айы. Біз Аналарымызды, апаларымызды, қыздарды мерекелерімен құттықтай отырып, зор денсаулық, қуаныш тілейміз!
Павлодар облысы Баянауыл ауылында 1915 жылдың 27 желтоқсанында туылған.Ата-анасымен Қарқаралыға көшті,сол жерде мектеп бітірді.Успенск руднигінде моторист болып істеді.Қарағанды тау-кен техникумын бітірді,ал 1939жылы Днепропетровск тау-кен институтын бітірді. Сосын Қарағанды шахталарында жұмыс істеді:бас инженер,шахта бастығы,трестің бас инженері,таулы ауданның бастығы. 1951жылы Сағынов диссертациясын табысты қорғап ғылыми дәрежесі бар Қазақстандағы үшінші тау-кен инженері болды.1952 жылдан 1955 жылға дейін Сағынов Қарағанды ғылыми зерттеу көмір институтын басқарды.1955жылы Абылқас Сағынұлы 1953 жылы құрылған Қарағанды тау-кен институтының бірінші ректоры болды.1941 жылдан КПСС мүшесі.Бірнеше рет ССРО-ның Жоғарғы Кеңесінің(1966-1970) депутаты,халықтық депутаттар Кеңесінің Қарағанды облыстық және қалалық депутаты,Қазақстан Компартиясы обкомының мүшесі.
