Дүйсенбайдың қора-қора малы бар. Сенімен бетпе-бет кездесуім керек. Мектепте оқушылар кезек-кезек жауап береді. Ата-анаңды сыйлай біл. Біз бүгін қонаққа үлкен-кішісі бар барлық туыстарды шақырдық. Азды-көпті көргенім бар, ақыл айтар шамам бар. Ағайын-туған тату болса, береке болар. Өмірде дос-жарыңды ренжітпе. Мен жаз айларында жап-жақсы жүзуді үйрендім. Өзіме әп-әдемі көйлек сатып алдым. Сенің бауырың үп-үлкен болып кетіпті. Жаңбыр кенеттен сарт-сұрт етіп жауып кетті, найзағайлар жылт-жылт етіп жарқырады.
Қауын – ыстыққа төзімді, жарықсүйгіш, шөлге шыдамды, біржылдық өсімдік. Дәрумендер мен қант құрамы бойынша қауын тіпті қарбыздан да асып кетеді. Қауынды да жаңа піскен күйінде жеңсік ас ретінде қолданады. Жемістері қайта өңделген күйде кеңінен қолданылады. Қауыннан бал, цукаттар, тосап, мармелад дайындайды. Оларды кептіреді және қақтайды. Қақталған қауындарды «қауынқақ» деп атайды, олар ұзақ уақыт бойы сақталады. Дәндерінен жоғары сапалы тағамдық май өндіреді. Қауын халық медицинасында белгілі бір мағынаға ие. Оның құрамында фолий қышқылы болатындықтан, қан аздық ауруларында кеңінен қолданады. Жемістерін туберкулез, бронхит, ревматизм ауруларында қолданады және жүрек-қантамыр ауруларында, бүйрек пен бауырдың дерттерінде қолдану ұсынылады. Ежелден-ақ қауын шырынын ішек құрттарына қарсы ем ретінде, тамақ аурулары мен созылмалы жөтелге қарсы қолданады.
