Білім.
Мектеп қабырғасында жүргенде мұғалімдеріміз бізге "Мектеп – кеме,білім – теңіз.Барар жерге тез жетеміз" деп хормен айтқызушы еді ғой.Ол кездері бұл екі жолдың мағынасын түсінбейтін едік.Ал өсе келе ұғынамыз,көреміз.
Шынымен де,білім – ол ұшы мен шеті жоқ әрі терең теңіз.Ал мектеп арқылы біз бұл теңізді кішкентай да болсын өзімізге бағындырып,дұрыс жол таба аламыз.Білім – қазіргі таңда таптырмас қазына.Білімді,білікті адамдар қазіргі таңда өте көп сұранысқа ие.Және олар көптеген жетістіктерге жетуде.
Бар нәрсе білімнен бастау алады.Ғылымның әр саласы білімнің дамуымен тығыз байланысты.Білімнің арқасында адамзат тұрмысына,өміріне қажетті жаңалықтар ашылуда.
Білім не үшін керек? Әлбетте,бір орында тұрмай,заман ағымына ілесіп, ілгері жылжу үшін керек."Білімдінің күні жарық, білімсіздің күні кәріп" деген мақал соның дәлелі.Әрине,мектеп кездінде оқымай,келешекте үлкен бастық,кәсіпкер болып жатқандар да бар.Олар тек ұйымдастырушылық қасиетімен,еңбекқорлығымен,табандылығымен дегендеріне жетіп отыр.Ал олардың қол астында білімі жоғары адамдар жұмыс істейді емес пе?Міне,сондықтан да,білім тегін беріліп жатқанда уақытты текке кетірмей, керісінше,көп білуге тырысу қажет деп білемін.
Білім.
Білім - ешқашан жойылмайтын инвестиция. Оған салған барлық қаржы он, тіпті жүз есе болып қайтады. Қазіргі дамыған заманда жастар білімді болуға тиіс, сонда ғана олар бәсекеге барынша қабілетті болып, өмірден оз орындарын таба алады.
«Білген адам білімді өмір бойы іздейді», - деп Ахмет Йүгінеки айтқандай, өмір бойы білім алып, білімді болу - қоғамда өз орнын табудың кепілі.
Соңғы жылдары өмір бойы білім алу концепциясы аса үлкен танымалдыққа ие болып отыр, себебі оқу үшін ешқашан кеш емес, тек талпыныс болса болғаны. Қазір адамды киген киімі бойынша емес, басындағы білімі арқылы бағалайды. Білімді адам ешқашан жұмыссыз қалмайтыны анық.
Абай, Ыбырай аталарымыз да жас ұрпақты білім алуға шықырып, білімді болуды насихаттаған болатын. Міне, осы аталарымыздың жолын жалғап, білім алудан жалықпайық, достарым!
