Менің елім – Қазақстан. Қазақстан жер көлемі жағынан әлемде Ресей, Қытай, АҚШ, Аргентина, Бразилия, Канада, Үндістан және Австралиядан кейінгі 9-орынды алады. Қазақстанның табиғаты әр алуан. Оның кең-байтақ аумағында таулар да, орман-тоғайлар да, кең жазықтар да бар. Климаты-барынша континентальді. Қазақ жері ұлан-байтақ, таңқаларлық әдемі жер. Еліміздің ұлан-байтақ даласында есепсіз байлық бар, бұл - сирек кездесетін жануарлар мен өсімдіктер, пайдалы қазбалар. Қазақстанның байтақ жерінде Менделеев кестесінің 99 элементі бар. Бұл да біздің үлкен мақтанышымыз. Елімізде мұнай, көмір, темір, алтын, күміс және тағы басқа да байлықтар жеткілікті. Қазақстан мұнай қоры бойынша әлемнің көптеген мұнай өндіруші елдерінен алда тұр. Республикада қазіргі уақытта барланған және табылған 2,8 млрд. тонна мұнай мен конденсат қорынан және 1,9 триллион текше метр газ қорынан тұратын 172 мұнай, 42 конденсат және 94 газ кен орны бар. Оның ішінде хромның әлемдік қорының жартысынан астамы Қазақстан аумағында болса, одан өзге де қорғасын, мырыш, мыс, алтын мен күмістің бай қоры бар. Вольфрам қоры бойынша екінші, марганец қоры бойынша үшінші, қорғасын мен молибден қоры бойынша төртінші, темір кентасының қоры бойынша сегізінші орын алады. Жетекші өнеркәсіп салаларының қатарына түсті және қара металлургия жатады. Жоғары сапалы мыс пен мырыш, қорғасын мен кадмий әлемдік нарықта үлкен сұранысқа ие.
Қазақстан - дәнді дақылдар , азық-түлік пен техникалық дақылдардың (күнбағыс, мақта) ірі өндірушісі. Ауыл шаруашылығындағы негізгі салалардың бірі - мал шаруашылығы. Ол жеңіл өнеркәсіпті шикізатпен, халықты тамақ өнімдерімен қамтамасыз етеді.
Қазақ елі өз мәдениетін дамытқан ел. Қазақ халқы салт-дәстүрге өте бай ел. Бұл-оның мәдениетті әрі тәрбиелі ел екендігінің айғағы. Белгілі қоғам қайраткері, заңгер Н.Шайкенов: «Ұлт дәстүрі – заңнан биік», – деген. Демек, салт-дәстүрлі ел – мықты әрі тұғыры берік ел. Біздің халқымыз өз ұрпақтарына ғасырдан ғасырға ұлт қасиетін салт-дәстүрмен, өнегені әдет-ғұрыппен, үлгіні жөн-жосықпен, әдепті ырым, тыйыммен тәрбиелеп, ұлағатты ұл, инабатты қыз өсірген.
Қазақстан ғылымы да әлемдік ғылым қазынасына зор үлес қосты, іргелі ғылымдарды түбегейлі зерттеуге бағытталған ірі институттар жұмыс істейді.
Саяхатшы қалағанын көреді,турист көрсеткенді ғана көреді.
•Әйгерім:Өзіңізге ең қажетті деген азғана затты алып,жалғыз саяхаттау мен арнайы тур арқылы автобусқа отырып саяхаттау екі бөлек дүние екенін білесізбе?
•Перизат:Әрине,бірақ екеуінде де ел аралап жаңа әсерлер аламыз ғой?
•Әйгерім:Жоқ қәтелесесіз Перизат ханым.Саяхаттау дегеніміз-адам өз еркімен өзі барғысы келетін жерге өзінің баруы.Ал тур арқылы саяхаттау алдын ала баратын еліңіздің,жеріңіздің сызылған маршурутымен ғана жүре аласыз.
•Перизат:Жеке саяхаттағым келсе не істеуім керек?
•Әйгерім: Жолға азғана зат алуыңыз керек,себебі сіз оны өзіңіз көтеріп жүресіз.Жол қаражаты-карточкаларыңыз болуы керек.Себебі сіз такси,қонақ үй,тамағыңызды өзіңіз төлеп отырасыз.Жеке саяхаттаудың бір жақсы жері:қайда барам,нені көрем?,-десеңізде ерік өзіңізде.Саяхатшы қалағанын көреді.Өзіңіздің қалауыңызбен саяхаттап,жер көріп,тынығып қайтасыз.
•Перизат:Тур арқылы автобуспен саяхаттасам ше?
•Әйгерім:Онда сіз турға алдын ала төлем төлейсіз.Оның ішінде жатын орныңыз,тамағыңыз,баратын жерлеріңіз қамтылған.Сіз өз қалауыңызды емес,турда белгіленген жерлерді ғана көре аласыз.Көпшілікпен бірге жүресіз.Себебі турист көрсеткенді ғана көреді.
•Перизат:Әйгерім,біраз ақпарат алдым.Көмегіңізге рахмет.
•Әйгерім:Көмектесе алсам қуаныштымын.Сау болыңыз.