Арманның түсі.
Арман 5-сыныпта оқиды. Үй тапсырмасын орындап болып ұйқыға кеткен...
Кенет Арман көзін ашса аспанда көліктер ұшып жүр екен. Зәулім әйнектен құралған ғимараттар қоршап тұр. "Мәссаған! Мен қайдамын?" деп көзін уқалап, орнынан тұрып жан-жағына зер салды. Адамдар бір табақшаға мініп, ұшып жүр. Алдарында монитор. Тура Арманның өзі көріп жүрген фильмдердегідей. Содан Арман мең-зең боп тұрғанда бір бала оны қағып кетті:
– Қап, кешір, достым! Асығыс едім, - деп Арманды тұрғызды.
– Ештеңе етпейді. Кешір, бірақ қазір қай уақыт?
– Қызық екенсің. Қазір 25-ғасыр. Бір жеріңді ауыртып алған сияқтысың ғой...
– А, жоға...Есімің кім?
– Сәбит боламын. Сенің ше?
– Арманмын.
– Е-е, сен ешқайда асықпасаң, маған көмектесе аласың ба?
– Не көмек керек, Сәбит?
– Құлағыңды жақындатшы...Роботтар әлемді жаулап алмақшы. Mega-25 атты робот бұған дейінгілерінен әлдеқайда күшті. Біз оның істен шығару керекпіз. Қалай, көмектесесің бе?
– Әлбетте, көмектесемін! – деді де екеуі Сәбит айтқан зерттеу орталығына келді. Арман үй тапсырмасын өзі-ақ орындайтын қадамдарды, тамақты өзі пісіретін аспазшы-роботтар және т.б. басқаларын көрді.Сәбит оған:
– Арман, адамдар ақылды болғанымен еріншек боп бара жатыр. Адамзаттың орнын роботтардың басу қауіпі бар.Біз сол үшін жұмыстанып жатырмыз,- деді. Арман қатты таң қалды. Ақыры олар көп отырып Mega-25-ті істен шығаратын сұйықтық ойлап тапты... Арман!
– Арман, балам, тұрсаңшы! Сабаққа кешігесің,- деп анасы оятып жіберді. Арман қатты қорықты. Себебі әлемді роботтар басып алса ол әлем зұлымдыққа толы болар еді. Бұдан бұлай ол үй тапсырмасын тыңғылықты орындап, компьютерлік ойындарды да көп ойнамауға бел буды.
іне, Ұлы Отан соғысының жеңіспен аяқталғанына да 60 жыл өтті. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл күнді соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен ардагерлер тойлайды. Бұл мейрамды өздерінің тылдағы қажырлы еңбегімен жеңісті шыңдаған, станоктың қасынан, егін даласында, күні-түні мал бағып, тынымсыз жұмыс істеген жұмысшылар, ауыл адамдары тойлайды. Бұл мейрамды біздің аяулы да даңқты әйелдеріміз - өздерінің әкелерін, ерлерін, ұлдарын және сүйіктілерін көзінен жасы сорғалай жүріп төзімділікпен күткен, олардың орнын жоқтатпаған аналар мен жұбайлар, қалыңдықтар мен қыздар тойлайды. Бұл мейрамды өздерінің әкелері мен ағалары қанын төгіп, жанын қиып бақытты өмірін қамтамасыз еткен Ұлы жеңістің құрдастары тойлайды. Ұлы Жеңіс күні елі мен жері үшін жанын пида еткен, туған-туысқандарына, жақын-жарандарына, туған жеріне, ауылына оралмай қалған қаһарман ерлерді бүкіл елі болып еске түсіреді.
Бұл мейрамды бұрынғы кеңес одағына кірген 15 одақтас республика халқымен бірге, кеңес халқы неміс басқыншыларынан азат еткен Еуропа елдерінің Варшава мен Прага, Будапешт пен Бухарестің, София мен Белградтың, Париж бен Венаның, жер шарының басқа да көптеген қалаларының тұрғындары тойлайды.
Ұлы Отан соғысы халқымызға төнген ең ауыр күндер болды. Төрт жыл, 1418 күн мен түн бойы өз жері мен отаны үшін, келешек ұрпақ үшін жан қилы соғыс жүріп жатты.
Бір күшке жиналған орыс пен тәжік, грузин мен белорус, қазақ пен украин қарсы алдындағы жауға алмас қамал болып жұмылды...