581. Қысқы саяхат Мәтінді оқып, негізгі және қосымша ақпаратты анықтаңдар.
Табиғаттың әрбір маусымы ерекше болатыны сөзсіз. Әр маусымның өзіне
тән қызығы бар. Соның ішінде қыс мезгілі де кіршіксіз аппақ қарымен,
қаһарлы суығымен, сықырлаған аязымен әдемі. Қысқы саяхат әр адамның
есінде ерекше сақталары анық.
Қысқы саяхатты қайда өткізген дұрыс? Ең бірінші, «Шымбұлақты» атап
еткен жөн. «Шымбұлақ» тау-шаңғы курорты Алматы қаласының орталығынан
25 шақырым жерде, Іле Алатауы шатқалында 2260 метр биіктікте орналасқан.
Қар қабатының орташа деңгейі – 150 см. Желтоқсан-сәуір айлары аралығында
аймақты қар басып жатады. Мұнда қарлы беткейде зырылдайтын шаңғы-
шылар, экстремалды секіруді қалайтын, сан қилы бұрылыстар жасап түсетін
батыл сноубордшылар, алаңсыз демалысты сүйетін туристер, қала қонақтары,
жергілікті тұрғындар келеді.
«Медеу» мұз айдыны қысқы саяхатты естен кетпестей қылып өткізетін
бірден-бір жер. «Мұз айдынына «Медеу» деген атау қалай қойылды?» деген
сауал туындайтыны анық. Тарихшылардың сөзіне сенсек, мұз айдын орна-
ласқан шатқалға қазаққа танымал Шапырашты Пұсырман батырдың ұлы -
Медеудің есімі берілсе керек. «Медеу» мұз айдыны теңіз деңгейінен 1691 метр
биіктікте орналасқан.
Қыс ақша қарымен, көк айдын мұзымен сәнді. Күн бірде жылынып, бірде
суытып тұратынымен де ерекшеленеді. Қыстың таңғы салқын ауасы керемет
күйге бөлейді. Қарға күн сәулесі түсіп, көз тоймайтындай жарқырайды.
( «Балалар әлемі» журналынан)
лыс несімен ерекшеленеді? мәтін мазмұны негізгі ала отырып диалог құрастырып тыныс белгілерін дұрыс қойып жазыңдар
