Себеп пысықтауыш неліктен? Не себепті? деген сұрақтарға жауап береді.
Мен сені сағынып (не себепті?) келдім. – себеп пысықтауыш
Мен түсінбегендіктен (не себепті?) үй тапсырмасын орындай алмадым.
Ол қатты қуанғаннан (не себепті?) сөйлей алмай қалды.
Мақсат пысықтауыш кім үшін? Не үшін? Неге? Қандай мақсатпен? деген сұрақтарға жауап береді.
Әсем дүкенге кітап алғалы (не мақсатпен?) келді. – мақсат пысықтауыш
Бауыржан досымен бірге Алматыға оқуға (не мақсатпен? ) барды.
Арман осы жиынға қатысайын деп әдейі (не мақсатпен?) келді.
Мен осы мәселені айту үшін (не мақсатпен?) хабарластым.
Еңбек түбі береке.
Еңбек - адамға өзінің тұтынушылығын қамтамасыз етуге қажетті бүкіл заттар жиынтығын жасайтын адам әрекетінің негізгі формасы.Адам өмірі еңбекпен тығыз байланыста болады. Жалпы, еңбек адамның табиғи жетістігі болып саналады.
Қазақ халқы қашан да еңбекке аса үлкен мән беріп, бала тәрбиесінде де еңбекқорлықты маңызды санаған. Бұған дәлел ретінде «Еңбек – адамның екінші анасы», «Еңбек мұратқа жеткізер», «Жалқаулық аздырады, еңбек оздырады»,- деген мақалдардан еңбектенудің адамдарға қажетті нағыз байлық екендігін аңғаруға болады. Ал еріншектік, жалқаулық жақсы қасиетке жатпайды. Тіпті ұлы дана Абай атамыз да еріншектікті бес дұшпанның біреуі санаған.
Сондықтан балаларды кішкене күнінен еңбекке құштар қылып тәрбиелеп, адал еңбекпен тауып жеген нанның тәтті болатынына үйрету керек деп есептеймін.Себебі, біз еңбектенудің арқасында көптеген нәрселерге қол жеткіземіз. Мысалы, күнделікті ішіп- жейтін тамағымыз бен киетін киіміміздің өзі еңбекпен келеді.
Адам өмірінде өзіне ыңғайлы, өзі қызығатын, қолынан келетін істі істесе, еңбегінің өзіне де, өзгеге де пайдасы мол, жемісті болып, еліне, халқына пайдасы берекелі болады. Сондықтан да «еңбек түбі береке» екенін жадымызда ұстаған абзал.