Жігітті жолдасына қарап бағала
Атамыз қазақ "Жігіт жолдасынан белгілі, сарбаз қолбасынан белгілі" демекші, адам өзіне мінезі ұқсас кісілермен жолдас, дос болады. Шын достар бірінің жақсы қасиеттерін екінші үлгі тұтады. Сондықтан да "жігітті жолдасына қарап бағала" деген, себебі біраз уақыт жолдас болған адамдар бір бірінің бойындағы көп қасиеттерін өздеріне сіңіреді. Олар бір–біріне өте жақын, бірін – бірі тез түсінетін болып кетеді, - деген екен. Осындай жолдастық, достық қарым-қатынас арасындағы ең бағалысының бірі – адалдық. Досы жақсының өзі де жақсы деп бекер айтпаса керек.
Іздегенде әрдайым жанымыздан табылатын достарымыз аман болсын!
Ұстаз ұғымы кісі өмірінде үлкен мəнге ие. Əсіресе, қазіргі заманда ұстаз алдын көрмеген адам кемде-кем. Білім мен ғылым заманы жиырма бірінші ғасырда кез келген адам ұстаз бен шəкірт қатынасын өз деңгейінде түсініп, екеуінің бір-біріне деген міндеттерін біле жүруі керек. Əйтпесе, біз мəн бере бермейтін болмашы жерден мүлт кетіп, нəтижесінде кісі ақысын мойынымызға жүктеп алуымыз мүмкін.
«Адамның адамшылығы жақсы ұстаздан» (Абай) демекші, тарихта ақыл-парасаты мол тұлғалардың көпшілігі ұстазына ерекше құрметпен қарап, əрдайым сондай бір ізетпен еске алған. Айталық, Ескендір Зұлқарнайын − Аристотельді, Абылай хан − Төле биді, Шəкəрім − Абайды, Бердақ − Күнқожаны, Жамбыл – Сүйінбайды өзіне ақылшы əрі ұстаз тұтқан.
«Ұстазы жақсының – ұстамы жақсы» дегендей, олар өздерінің өмірде бағындырған зор асуларына ұстаздарының сіңірген еңбегі көп екенін жақсы түсінген. Мəселен, Ескендір Зұлқарнайын өз ұстазын: «Мен ұстазыма əкемнен кем қарыздар емеспін. Əкемнен өмірді алсам, Аристотельден сол өмірге керектінің бəрін алдым», – деп еске алатын болған