ЖАЗЫЛЫМ 11
-тапсырма.
Мәтіннен зат есімдер
мен сан есімдерді тауып
жаз. Олардың түрін
ажыратып айт.
Қайырғали Смағұлов 1919 жылы Гурьев қаласында (қазіргі
Атырау) өмірге келген. 1939 жылы Қызыл армия қатарына
шақырылды. Дондағы Ростов, Орджоникидзе түбегінде ерлік-
пен шайқасқан. Новороссийск үшін болған ұрысқа қатысқан.
Эльтеген елді пункті үшін болған ұрыста Қайырғали 20-ға
жуық гитлершілердің көзін жойған. Керчь түбіндегі ұрыста
асқан батырлық көрсетіп, ерекше көзге түскен.
Қайырғали Смағұлов 1943 жылы 17 қарашада «Кеңес
Одағының Батыры» атағын алған
Бейбітшілік – адамзаттың асыл құндылықтарының бірі. Адамзат өмір бойы үнемі тыныштықта, мәңгілік бейбіт өмір сүруді армандайды .Бірақ нақты өмірде оған ешқашан толық қол жеткізген емес. Өткен тарихқа көз салсақ, адамзат қоғамы соғыстардан көз ашпады. Зерттеушілердің деректеріне қарағанда, соңғы 5.5 мың жылда жер бетінде небары 292 жыл ғана бейбітшілік «билік» етіп тұрыпты. Қалған уақыттың бәрінде «Тыныштық керек болса – соғысқа дайындал»-деген қағидамен өмір сүріппіз. Осы аралықта жер бетінде 15 мыңнан астам қантөгіс шайқастар өтіпті. Екінші дүниежүзілік соғыстан бері жер бетінде бейбіт өмір орнады десекте, әлемнің түрлі аймақтарында ірілі-ұсақты соғыстар, қарулы қақтығыстар, лаңкестік әрекеттер жиі кездесуде. Батыстың бір ғалымыныңесептеуіне қарағанда өткен ХХ ғасырдың соңғы 45 жылында әлемде бар жоғы 12 ғана «бейбіт» күн болыпты. Кейінгі 40 жылдың ішінде ғана дүниежүзінде 250 соғыс болып, 354 млн. адам қаза тауыпты.
Сөйтіп, бейбітшілікті сақтау, соғысты болдырмау, бейбітшілік үшін күресу – ХХІ ғасырдың да өзекті мәселелерінің бірі болып, мұраға қалдырылды, Халықаралық қоғамдастық бейбітшілікті сондықтан жалпы адамзаттың құндылықтар қатарына қосып отыр.