2-тапсырма. Берілген сөздердің синоним жұбын мәтіннен тауып жаз. Көлемі - ; саяхат - ; тура - ; уақыт - .
text
Қазақстан – ғарыштық мемлекет.
Байқоңыр ғарыш айлағы Қызылорда облысы Төретам бекетінде орналасқан. Ол 1955 жылы құрылды. Байқоңыр әлемдегі ең ірі жер беті ғылыми ғарыш полигоны болып табылады. Бүгінде Байқоңыр ғарыш алаңы 6 миллион 227 мың гектар жерді алып жатыр.
Қазір онда 15 ұшыру қондырғысы, 9 ғарыштық кешен, 11 монтаждау-сынақ орны бар.
Қазақтың тұңғыш ғарышкері Тоқтар Әубәкіров 1991 жылы суы тартылып, тұзды бораны үдеп тұрған Арал теңізінің аумағын сегіз күн бойы ғарыштан суретке түсірді. Қазақтың екінші, әлемнің 309-ғарышкері Т.А.Мұсабаев ғарышқа үш рет аттанып ғарыш кеңістігінде бір жылға жуық, яғни 341 күн 9 сағат 48 минут 41 секунд ғылыми сапар шегіп, Гиннес рекорд кітабына енген.
Қазақстан ғарыш агенттігі 2006 жылдың 18 маусымы күні ашылды. Осы күні «Байқоңыр» ғарыш айлағынан қазақстандық тұңғыш «KazSat» Жер серігі ұшырылды. «KazSat» жер бетіне телехабарлар таратып, жедел ғаламтор-коммуникациялық қызмет үлгілерін көрсете бастады. Сандық және Жер серіктік теледидардың «Қазтелерадио» OTAU TV жерсеріктік теледидарының абоненттері отандық «KazSat-3» Жер серігі аппаратының қызметін пайдаланып келеді. «ҚазГеоСат-1» жоғары дәлдікті аппарат. Ол көлемі 10 сантиметр затты мәселен, кітапты, ондағы жазуды да суретке түсіреді. Әлемнің 30-ға жуық елі бізден сурет сатып алады,ол елімізге үлкен табыс әкеліп отыр.
АҚШ азаматы Деннис Тито мен Талғат Мұсабаев екеуінің ғарышқа аттануы ғарыш туризмінің дамуына жол ашты.
Бүгінгі таңда әлемдік әйгілі ғарыштық 25 елдің қатарынан ойып тұрып өз орнын тапқан Қазақстан Республикасы өз Жер серіктерінің қызметін де, қызығын да көріп отыр деп толық айта аламыз. Ресей 2023 жылға дейін Байқоңыр ғарыш айлағын 115 млн. АҚШ ақшасын төлеп, ұзақ мерзімге жалға алып отыр. Биыл, яғни 2021 жылы адамзаттың ғарышқа ұшқанына 60 жыл толып отыр. Алғаш ғарышқа 1961 жылы 12 сәуірде Ю.Гагарин ұшқан болатын. Сол 60 жылда Қазақстан ғарышты бағындырып, өз алдына ғарыш агенттігін құрып, жер серіктерін ұшырып отыр.
