1.Сөйлемдегі сын есімді
көрсетіңіз.
Әсем сабақты жақсы оқиды.
A) Әсем.
B) Сабақты.
C) Жақсы.
D) Оқиды.
E) Жоқ.
2.Топтау сан есімін көрсетіңіз.
A) Үштің бірі.
B) Жүзінші.
C) Жетеу.
D) Жүз-жүзден.
E) Мыңдап
3.Дұрыс жазылған есімдікті
табыңыз.
A) еш ғашан
B) ешғашаң
C) ешғашан
D) ешқашаң
E) ешқашан
4.Жіктеу есімдігін табыңыз.
A) Мен.
B) Сол.
C) Мынау.
D) Кім?
E) Барлық.
5.Сұрау есімдігін көрсетіңіз.
A) Бұлар.
B) Қайсысы.
C) Мұнымен.
D) Біздікі.
E) Сіздер.
6.Болымсыз етістіктерді көрсетіңіз.
A) Ешкім, әлдене.
B) Оқыма, ішпе.
C) Жетінші, үш.
D) Оқыған, келген.
E) Сегіз, төртке.
7.Негізгі үстеуді атаңыз.
A) Адамша.
B) Осылай.
C) Қыстай.
D) Бірге.
E) Жылдам.
8.Бейнелеуішті табыңыз.
А) гүр-гүр
В) күрк-күрк
С) салдыр-гүлдір
Д) мырс-мырс
Е) жалт-жұлт
9. Заттар соғысқанда шығатын
дыбыстарды табыңыз.
А) бүлк-бүлк
В) арс-арс
С) пыш-пыш
Д) гүрс-гүрс
Е) жалт-жұлт
10. Одағайды көрсетіңіз
A) Киімшең.
B) Табыскер.
C) Ұйқышыл.
D) Алақай.
E) Жазғы.
Қазақстандық спортшылар туралы хат.
Сергей, сәлем! Қалың қалай? Сабағың жақсы ма?
Менде бәрі жақсы. Домбыра үйірмесінде сайыс ұйымдастырылып, соған дайындалып жүрмін.
Есіңде кезекті хатымда елімнің атақты спортшылары туралы айтып беремін деп едім ғой. Міне, сол уәдемді орындап жатырмын.
Елімізде ауыз толтырып айтып, мақтанатындай спортшылар аз емес. Солардың ішінде ең алдымен Александр Винокуровты атап айтып келеді. Ол - Қазақстанның және Астана Pro Team велокомандасының ең белгілі велошабандозы, «Vino» (Вино) деген атпен белгілі. 2012 жылғы Лондондағы XXX жазғы Олимпиада ойындарының чемпионы, Сидней Олимпиадасының вице чемпионы, әлем біріншілігінің қола жүлдегері, «Вуэльта» көпкүндігінің (2006 жыл) жеңімпазы. Оның есімі Қазақстанның спорт тарихына алтын әріппен жазылды десем, артық болмайды деп ойлаймын, себебі ол Қазақстаннан шыққан Олимпиада ойындарында алтын иеленген тұңғыш велошабандоз.
Еліміз Серік Сапиевті де мақтан тұтады. Ол ең танымал боксшылардың бірі, олимпиада чемпионы, халықаралық спорт шебері, Қазақстанның бокс бойынша еңбек сіңірген спорт шебері. Оның есімі Қарағанды қаласында бокс орталығына берілген болатын.
Бұл ретте Илья Ильинді атамай кету мүмкін емес. Қазақстанның есімін бірнеше дүркін әлемге танытқан әйгілі спортшы. Ол - Қазақстандық зілтемірші (ауыр атлет). Қазақстандық тұңғыш олимпиада ойындарының екі дүркін чемпионы (2008, 2012), әлемнің төрт дүркін чемпионы (2005, 2006, 2011, 2014) және Қазақстан чемпионы [1]. Қазақстанның еңбек сіңірген спорт шебері.
Әрине, спортшылар тізімі осымен шектелмейді, бірақ өзім осы тұлғаларды ерекше мақтан тұтамын. Ал сенің сүйікті спортшыларың кім?
Хабарласып тұр.
Сәлеммен,
Досың Ахат.