Менің кіндік қаным тамып, алғаш тәй-тәй басқан, алғаш «ана» деп күлім қаққан, киелі жерім, атамекенім бар, ол – тәуелсіз Қазақстан. Халық даналығы «Әркімге өз туған жері Мысыр шаһары» деп бекерге айтпаған.
Төбесі көкке тірелген таулары бар, көк-жасыл орман-тоғайлары бар, асу-асу белдері бар, қойнауы алтын астық пен малға толған кең жазира даласы бар Қазақстан әлемге әйгілі өте бай ел. Табиғаты әр алуан жан -жануарларға толы, аққулы көлдері бар, тулаған толқынды теңіздері бар, әсем қалалары бар достығы жарасқан көпұлтты мемлекет. Әнұранымен әйгілі, Туымен тұғырлы, Елтаңбасымен еңселі егемен елімізге қызыға қарамайтын ел жоқ шығар.
Мен өз елімді мақтан тұтамын. Елбасымыздың салиқалы саясатының арқасында жыл өткен сайын еліміз қарқынды дамып келеді. Қазақстанның әлемдік картада өзіндік ерекше орны бар. Қазақстандай дархан елде қаншама ұлт өкілдері тату - тәтті, бейбіт өмір сүріп жатыр.
Туған жерін жырға қоспаған, туған жері жайлы толғанбаған ақын-жазушылар жер бетінде жоқ шығар.
Менің туып өскен жерім егеменді Қазақстан. Қазақстанның байлығы өте көп және қазынаға бай ел. Біздің еліміздің табиғаты өте сұлу. Биік-биік асқар тау, мөп-мөлдір көлдер, неше түрлі өсімдіктер мен дәрілік қасиеті бар шөптер өседі. Қазақстан жерінде аңдар мен құстар, неше түрлі жануарлар өмір сүреді.
Қазақстанның кең даласындай байтақ дала еш жерде жоқ шығар. «Отаның-алтын бесігің», «Отаны жоқтық нағыз жоқтық»- деп дана халқымыз бекер айтпаған. Өз Отанын сүю, өз ана тілін ардақтау әрбір азаматтың бірінші міндеті. Ал біздің халқымызда атамекенді ардақтау сезімі өте терең деп ойлаймын. халқымыздың басынан қандай қиын кезеңдер өткенде де ата-бабаларымыз елімізді сыртқы жаудан қорғай білген.
Қазақстан-бай тарихи өткені бар ел, әлемдегі бәсекеге қабілетті экономикалар тізіміне енуге ұмтылатын үлкен мүмкіндіктер елі. Елде табиғаттың таңғажайып туындылары бар – реликті ормандар, терең көлдер, көптеген өзендер, биік таулар, шексіз дала, сондай-ақ жануарлар мен өсімдіктердің сирек кездесетін түрлері. Ел аумағының басым бөлігін шөлдер – 44% және шөлейттер – 14% құрайды. Дала Қазақстанның 26%, ормандар – 5,5% алып жатыр. Елде 8,5 мың өзен бар. Қазақстанда 48 мың үлкен және кіші көлдер бар. Олардың ішіндегі ең ірілері-Балқаш, Зайсан және Алакөл. Қазақстанның бірегей минералдық-шикізат базасы бар. Қазақстан әлемде мырыш, вольфрам және бариттің барланған қоры бойынша – бірінші орын, күміс, қорғасын және хромит қоры бойынша – екінші, мыс және флюорит бойынша – үшінші, молибден бойынша – төртінші, алтын қоры бойынша алтыншы орын алады.
Қазақстан сондай-ақ айтарлықтай мұнай-газ ресурстарына ие және батыс облыстарда шоғырланған мұнайдың расталған қорлары бойынша әлемде 9-шы орын алады.
Сонымен қатар, республика көмір қоры бойынша 8-ші және уран қоры бойынша 2-ші орында.Қазақстан әлемдегі жетекші астық экспорттаушылардың ондығына кіреді және ұн экспорты бойынша көшбасшылардың бірі болып табылады.
Қазақстан әлемдегі жетекші астық экспорттаушылардың ондығына кіреді және ұн экспорты бойынша көшбасшылардың бірі болып табылады. Қазақстанда зымырандарды ұшыру бойынша үлкен кешен, әлемдегі бірінші және ең ірі ғарыш айлағы - Байқоңыр орналасқан. Экономиканың барлық салаларының тұрақты өсуі, саяси тұрақтылық және халықаралық деңгейде танылу қазақстандық қоғамның өркендеуінің негізіне айналды.