Мен қандай музыка тыңдаймын?
"Құлақтан кіріп, бойды алар, әсем ән мен тәтті күй", - деп дана Абай атамыз айтқандай, музыка адамның жан дүниенісін нұрланырып, шаттыққа бөлеп, мұңын сейілтеді. Жалпы, мен өзім де кішкене күнімнен музыка десе, ішкен асымды жерге қоямын. Ата – анам музыкаға деген бейімімді байқап, дарынымды шыңдау мақсатымен музыка үйірмесіне қатыстырды. Енді, мен қандай музыка тыңдаймын? деген сұраққа келер болсақ, жалпы мен эстрада жанрындағы заманауи әндерді тыңдағанды ұнатамын. Сонымен қатар, шетелдік эстрадалық әншілердің де шығармашылығын да аса зор бағалаймын. Музыканың әуенін естігенде ішкі сарайым нұрлана түсіп, тіпті көңіл – күйім жабырқаулы болса да, мұңым сейіліп, көңілім жай табады. Үйді жинастырып жүргенде немесе ыдыс – аяқ жуған кезде музыка қосып қойсам, шаруам де тез бітетіндей көрінеді.
Жалпы, менің ойымша, «әу демейтін қазақ жоқ» демекші, қазақ халқы әрқашанда музыка өнерін аса құрметтеген. Музыканың әдебиетімізде, мәдениетімізде, салт – дәстүрімізде алар орны ерекше. Біз дүниеге келген сәттен бастап, анамыздың айтқан «Бесік жырымен» тәтті ұйқыға кенеліп, музыка өнерімен алғаш таныса бастаймыз. Осылайша, өмір бойы музыка түрлі кезеңдерде бізбен бірге болып, көңіл – күйімізді жайландыра түседі.
