Мәтін түрі 1)Алматымыз астанасы қазақтың,
Тұрамын мен сол қаланың өзінде.
Рим да емес ол, Париж да емес мақтаулы,
Ұқсасы жоқ бүкіл дүние жүзінде.
Қала емес ол - сіздер көрген, достарым
Суреті оның басқалардан өзгерек.
Жырлау үшін оның жерін, аспаның
Ескірмеген, естілмеген сөз керек.
2)Ауыл – дәстүрлі қазақ қоғамында ежелден қалыптасқан ұғым. Ж.Әбдірашев: «Ауыл – қаланың анасы, анасын ұмытпайды баласы» - деген екен. Ауыл – әр халықтың, соның ішінде қазақ халқының алтын бесігі, темірқазығы. Ұлтымыздың салт-дәстүрі, қаны мен жаны сол ауылдан басталады. Халық мақтанышына айналған әйгілі арыстарымыздың бәрі де сол ауылдан шыққан. Сондықтан да елімізді көркейтуге осы бастан өз үлесімізді қосуға тиіспіз. Ал біздің үлесіміз – сапалы білім алып, ел болашағын ойлайтын азамат болу. «Ауыл түбі – бірлік, қауым түбі – тірлік» деген мақал ауылдың этникалық, экономикалық және рухани маңыздылығын білдіреді.
Ауыл адамдары қала адамдарына қарағанда салтты берік ұстанады, қарапайым, жомарт, ашық, кішіпейіл, бауырмал, мейірімді болып келеді. Себебі ұлттық салт-дәстүр, әдет-ғұрып барлығы ауылда жақсы сақталған. Ауыл адамдары кеш ұйықтап, ерте тұрады. Ауылда таза ауа, дала тып-тыныш болады.
"Мамандық таңдау қиындықтары"
Мектеп бітірген кезде әр адам өзінің болашақ мамандығы жайлы ойланып бастайды. Көбісіне мамандық таңдау қиын болып келеді. Мектеп біткен сәтте, аз адам ғана өзінің неге бейімді екенін, өзінің таланттарын және қабілеттіліктерін біледі. Мен таңдаған мамандығым — Фельдшер болу. Бұл мамандықтың жақсы жақтары да, жаман жақтары да бар. Фельдшер қиындыққа тап болған адамға көмекке ең бірінші болып келеді. Фельдшер сол алғашқы көмекті көрсетеді. Бұл мамандыққа бар жауапкершілікпен қарау қажет, себебі дәл сол мезетте адамның өмірі Фельдшердің қолында.
Мамандықтың жақсы жақтарының бірі — мамандыққа әрқашанда сұраныстың көп болуы. Біраз тәжірибе алған соң, дәрігер болуға мүмкіндік бар, ол үшін оқуды әрі қарай жалғастыру керек. Тағы бір маңызды нәрселердің бірі — адамзатқа көмек көрсету.
Ал енді мамандықтың бұрыс жақтарына көңіл аударсақ. Жұмыс үлкен жауапкершілікті талап ететіндіктен, адам психологиялық ауыртпалықтарға көп беріледі. Сонымен қатар жауапкершіліктің кең ауқымы және әр түрлі шиеленістер, күнделікті тұрғыда әр түрлі адамдармен сөйлесу мамандық иесін шаршатулары мүмкін.