1-тапсырма «Ежелгі қала» тақырыбына қатысты бес жолды өлең құрастырыңыз. 1.Зат есім. 2. Екі сын есім 3. Үш етістік 4. 4 сөзден тұратын сөйлем. 5. Бірінші зат есімге синоним, мағыналас сөз. 3-тапсырма Берілген сөйлемдерден теңеуді тауып, мағынасын түсіндіріп жаз. Ұлы Жібек жолында сауда қарқыны ұшқан құстай дамыды. Ондағы тауарлар гауһардай құнды, айнадай жарқын еді. Жанқожажолыққан сұлудың мінезі мамықтай жұмсақ екен. 4-тапсырма Берілген мәтін бойынша 3 сұрақ құрастырып жазыңыз
Кітап дүкені туралы.
Дана халқымыз «Кітап - алтын қазына» десе, ал кітап дүкенін өз басым іші қазынаға толы алтын сандыққа теңейтін едім. Бізді білім нәрімен сусындататын ғалым, тілсіз мұғалім – осы кітап. Тағылымы мол тәрбие ошағына айналып отырған кітап дүкенінің қоғамда алар орны орасан зор.
Кітап адам өмірінде, әсіресе өскелең ұрпақтың өмірінде ерекше орын алады десем, артықшылық етпес. Кітапсыз, еш білімсіз күніміз қараң болатын еді. Кітап оқу арқылы біз білімімізді шыңдап, сөздік қорымыз бен ой – өрісімізді кеңейтеміз. Сонымен қатар түрлі жанрдағы кітап оқу елді, жерді сүюге, талапты, кішіпейіл болуға, мейірімді, әрі төзімді болуға баулиды. Кітап біздің рухани жан азығымыз.
Қазіргі таңда кітап дүкенінің сөрелерінде қалаған кітапты табуға болады. Әсіресе, балаларға арналып жазылған кітаптар көздің жауын алады. Дегенмен қазіргі заман ағымына қарай, техниканың дамығанына орай кітап оқу мүлдем қалып барады. Менің ойымша, осы мәселені барынша қолға алып, кітап дүкендерін қазіргі жастарға қызықты жазылған кітаптармен толықтырса, жастарды кітап оқуға үгіттеу жұмыстары жүргізілсе, бұл мәселе оң шешімін табады деп ойлаймын.
Сонда өскелең ұрпақтың кітапқа оқуға деген қызығушылығы арта түсер деп ойлаймын.