• Шығарманы оқығаннан кейін өздерің өзекті деп есептеген мәселе бойынша үш күрделі сұрақ құрастырыңдар. Жұпта мәселенің шешу жолын қарастырыңдар. • Шығармадан құндылықтарды анықтаңдар. Қай құндылықты ерекше атап көрсетер едіңдер? • Ақын аққу құстың сұлулығын қалай бейнелеген? • Кейіпкерлердің іс-әрекетіне, адами қасиеттеріне баға беріңдер. • Поэманы оптимистік оймен қалай аяқтар едіңдер? • Төменде берілген тақырыптардың бірін таңдап, эссе жазыңдар. «Бәрі де адам үшін жаратылған» «Аққуды атуға болмайды» «Ана махаббаты бәрінен де құдіретті» құстың төресі» «Аққу- кұстың төресі» Әдебиет
Достық туралы
Дос адам жанының айнасы тәрізді. Себебі адам өзі қандай болса, дәл сондай жанына жақын жанды іздейді. Ойы, арман-тілегі, мақсат, ең бастысы өмірдегі құндылығы бір адамдардың шынайы дос болып, өмір бойы араларынан қыл өтпейді. Ал достық дегеніміз - адамды ерекше қанаттандыра білетін, қуанышты үдетіп, кайғыны азайтатын қарым-қатынас түрі. Өмірде адал дос табу, достық қарым-қатынастарды сақтай білу өте маңызды. Себебі әрқайсымыз достыққа мұқтажбыз, ол ешқашан көптік етпейді. Еліміздің асқақ ақыны, патриоты, ұлт жанашыры Мұхтар Шахановтың:
«Достық деген ізгіліктің алаңы,
Оған куә ғасырлар мен замандар.
Отанын да сатып кете алады
Қиын шақта досын сатқан адамдар!»
деген жолдарынан достықты қандай дәрежеде бағалағаны сезіледі.
Нағыз, адал дос өмірде орын алатын түрлі сәтсіздіктерге мойымай, басқа түскен ауыртпалықтарды бірге көтеруге жәрдемдесіп, қуаныш пен шаттық күндерді бөліседі. Дос адамдардың мінездері әр түрлі болуы мүмкін, дегенмен құндылықтары мен арман – мақсаттары бірдей болады, бірақ бұл жағдай достыққа еш кедергі бола алмайды. Халқымыз достық қарым – қатынасты ерекше бағалаған, бұған дәлел ретінде бірнеше мақал – мәтел де келтіруге болады. Мысалы, “Дос жылатып, дұшпан күлдіріп айтады”, “Досы жақсының, өзі де жақсы”, “Дүниеде адамның жалғыз қалғаны өлгені, қайғының бәрі соның басында”.