Сөйлемнің бірыңғай мүшелері.
Сөйлемнің бірыңғай мүшелері - сөйлемнің бір ғана мүшесінің қызметін атқаратын, бір ғана сұраққа жауап беретін, көбінесе бір тұлғада, бір сөз табынан жасалып, бір ғана сөзге қатысты болатын сөздер тобы. Сөйлемнің барлық мүшелері де сөйлемнің бірыңғай мүшелері бола алады.
Аңсар ойнап жүріп, сүрініп қалды. (бірыңғай баяндауыш)
Мектеп қызметкерлері, ұстаздар және шәкірттер қалалық сенбілікке белсене қатысты. (бірыңғай бастауыш)
Осы істеген қылығы үшін Арман Жансұлуға кіналай да, сынай да қарады. (бірыңғай пысықтауыш)
Менің үлкен атам ақ сақалды, қой көзді, толықша келген кісі. (бірыңғай анықтауыш)
Мағжан концертке ертерек келіп өз жанынан Асылжан мен Ғалымжанға орын алып қойыпты. (бірыңғай толықтауыш)
