Қазақтың көрнекті жазушысы С.Елубай, негізінен, реалистік мәнерде жазады. Оның қазіргі қазақ прозасында өзіндік із қалдырған тақырыбы тың, ойы өзекті шығармаларының шоғыры – «Ақ боз үй» трилогиясы. Ол үлкен бір дәуірдің сипатын беретін «Ақ боз үй», «Мінәжат», «Жалған дүние» атты жеке кітаптардан тұрады. Трилогия қазақ қоғамының жиырмасыншы жылдардағы аумалы-төкпелі дәуір шындығын: жаппай ашаршылық, елге төнген нәубет, асыра сілтеу, қазақы дәстүрімізді, ұлттық құндылықтарымызды қирату, одан бергі кезеңдерде жалғасын тапқан заман құқайын, тағдыр тауқыметін шынайы бейнелеп – барлығы біртұтас дүниені құрайды.
Салыстырмалы түрде үш кітаптың ішінде «Жалған дүние» романының экзистенциалистік сарыны, мистикалық, философиялық астары қалыңдау. Ал алғашқы екі кітапты шартты түрде, «қатаң» реализм шеңберінде жазылған деуге болады. Сондықтан мақалада трилогияның соңғы кітабы «Жалған дүние» романы қарастырылады.
Франкофония-француз тілінде сөйлейтін мемлекеттердің халықаралық ұйымы. Әртүрлі мемлекеттердің 58 мүшесін, сонымен қатар 26 көрермендерді біріктіреді. Бұл қоғамдастыққа кіру үшін мемлекет француз тілін жетік білуі және Франциямен мәдениетті қатынаста болуы керек. Франкофония терминін 1880 жылы географ Онезимо Реклю енгізген болатын. Алғашқы саммит 1986 жылы Парижде өтті. 1960 жылы Франкофонияның ресми институттарының алғашқысы болып, мемлекеттік Франкофондық халықаралық білім беру министрлерінің Конференциясы (CONFEMEN) құрылды. 1985 жылдан бері Франкофония ойындарын спортшылардың кездесуі ретінде ұйымдастыратын спорт және жастар министрлерінің Конференциясы 1969 жылы құрылды. Үшінші саммитте Африкаға көмек көрсету туралы шешім қабылданды.