Берілген сұрақтардың жауаптары:
Ертегі кейіпкері неге Қаңбақ шал деп аталған?
Себебі ертегі кейіпкері өте жеңіл, жел соққан сайын домалап ұшып кете береді екен.
Қаңбақ шал неден қорлық көріпті?
Қаңбақ шал түлкіден қорлық көріпті. Ол күн сайын шалдың аулаған екі балығының біреуін тартып жей береді екен.
Қаңбақ шал мен дәумен қалай кездеседі?
Түлкінің қорлығына шыдай алмай, басқа жерге көшемін деп жүгін арқалап келе жатқанда дәуді кездестіреді.
Қаңбақ шал мен дәу қалай күш сынасады?
Жерді теуіп ішек - қарнын шығармақ болып және жердің миын шығармақ болып күш сынасады.
Қаңбақ шал кемпірін қалай үйретеді?
"Мен есіктің алдында отырармын. Сонда сен оның көзінше: «Не істеймін, шал?»– деп маған қара, мен не десем, соны істемекші болып, пышақты алып, тұра ұмтыл!"– деп, кемпіріне үйретіп қояды.
Қаңбақ шал дәулерді қалай қарсы алады?
Жақсы қарсы алып, кемпірі не істеймін дегенде: "Басқы дәудің басын ас, ортаншы дәудің төсін ас, ол жетпесе, досым дәудің өзін ас!" деп жауап қайтарады.
Дәулерге не кездеседі ,қандай ақыл береді?
Қашып келе жатқан дәулерге түлкі кездесіп, өштерін алып бермек болады.
Қаңбақ шал түлкі мен дәулерден қалай құтылады?
Шал: "Ей, түлкі-ау? Арғы атаңда алты атамның құны бар, бергі атаңда бес атамның құны бар, өзіңде бітіспейтін кегім бар еді, үш дәуді соның үшін бергелі келе жатырсың ғой!" деп, осылайша түлкіден де, дәулерден де құтылады.
Ертегінің қандай құпиясы бар екен?
Ертегінің құпиясы - шалдың тапқырлығы мен дәулердің ақылының таяздығы.
"Қаңбақ шал" ертегісі ертегінің қандай түріне жатады?
Сыншыл ертегілер қатарына жатқызылады.
Толымды сөйлем - ойға қажетті мүшелердің бәрі қатысқан сөйлем.Мысалы:Қыста бұл жердің ауа райы өте суық болады.Биылғы бітіруші түлектер өздерінің арттарына ұмытылмастай із қалдырды.
Толымсыз сөйлем - айтылуға тиісті тұрлаулы,я тұрлаусыз мүшелердің біреуі түсіп қалған сөйлем.Мысалы:
- Балам,қайдан келдің?
- Қаладан.
Толымды түрде:
- Балам,(сен) қайдан келдің?
- (Мен) қаладан (келдім).