Мектеп үйірмесі туралы диалог.
- Аслан, сен осы бос уақытыңды қалай өткізесің?
- Мен үйде жатып, демаламын. Сосын сабақтарымды оқимын. Ал сен ше?
- Үйде жатқанда ішің пыспай ма? Менде бос уақыт жоқ десе де болады. Менің қолым түрлі үйірмелерден босамайды.
- Сабақ оқуға уақыт қалмайды ғой. Мен сабақтан соң шаршаймын.
- Жоқ, керісінше сол үйірмелердің арқасында мен мектепте білмегенімді үйреніп, түсінбегенімді сұрап, сабағымды да жылдам оқимын.
- Сонда сен қандай үйірмелерге қатысасың?
- Мен мектеп жанындағы ағылшын тілі курстарына қатысамын. Мектеп бағдарласынан ұқсас. Содан соң «қызықты математика», «физикалық тәжірибелер» және хор үйірмесіне қатысамын.
- Барлығына қалай уақыт табасың?
- Ынтаң болып жатса, уақыт табуға болады. Оның үстіне үйірмеде білмегеніңді үйреніп, жаңа достар табуға болады. Сен де менімен бірге қатысып көрмедің бе? Оның үстіне мектеп жанындағы үйірмелер болғандықтан бәрі де ақысыз негізде.
- Ондай болса, керемет қой! Мен ол туралы білмеппін. Қатыссам, қатысып көрейін. Келесі сабақ қашан және қай жерде?
- Келесі сабағымыз ертең, «қызықты математика». Басталуы сағат үште, жиырма тоғызыншы кабинет.
- Жақсы. Онда ертең үйірмеде кездескенше.
- Сау бол!
Анамыз бізді қалай аялап, бағып қақса, Жер ана да бізді солай бағып жатыр. Ата – бабамыз осы жер үшін сан ғасырлар бойы қан төгіп, басын қатерге тіккен. Сондықтан да, біз табиғаттағы әрбір жайқалып тұрған ағашқа қамқорлық танытуымыз қажет. Барша адамзат өкіліне ауа, су, жер ортақ. Сондықтан жердің қадірін, байлығын бағалай білу, жалпы табиғатты қорғау – бәріміздің міндетіміз. Адамзат Жер ананы өз қолынан жасады. Мысалы: ағаш отырғызып, гүлдер егіп, жалпы айтқанда өсімдіктер отырғызу арқылы, Жер ананың пайда болуына үлкен үлес қосты.
- Эх,ертеңгі сабақта талқылайтын тақырыбымыз маған онша ұнамайды.
- Неге,Жандос?Қазақстан Республикасының мемлекеттік рәміздері деген керек тақырып қой.Мен керісінше олар туралы тағы мол мәлімет алғым келеді.
- Олар елге не үшін керек?География,тарихта да сол бір рәміздерін біліп жүруіміз керек деп ағай қоймайды ғой.
- Сен олай ойлама.Мемлекеттік рәміздер - сол елдің қазыналары,тәуелсіздігінің айғағы.Рәміздерсіз елді елестету мүмкін емес.Олар сол елдің тарихынан,әл-ауқатынан,тұрмысынан мәлімет береді.
- Маған түсіндіріп көрші.
- Жарайды.Мысалы,біздің байрағымыз көк түсті.Көк түс - ол бейбітшілікті,кең байтақ аспанды білдіреді.Ал ортасындағы алтын күн - дамудың белгісі болса,қыран құс - айбындылық белгісі.
- Ал алтын түсті кестелі ою ше?
- Бұл - қазақ халқының қошқар мүйіз оюы.Ол біздің халқымыздың өз бейнесі десем де болады.Ал елтаңбамызда бейнеленген шаңырақ - мемлекеттің түпнегізі - отбасының бейнесі болса,қанатты тұлпарлар - қажымас қайраттың,талпыныстың бедері.Жоғарғы жағында орналасқан бес бұрышты жұлдыз - бізге бағыт-бағдар берер жол нұсқаушы.Сен мемлекеттік әнұранның авторларын білесің бе?
- Ия,оны білемін ғой.Сөзін жазған Ж.Нәжімеденов және Н.Назарбаев.Ал әнін Ш.Қалдаяқов жазды емес пе?
- Дұрыс айтасың.Ертеңгі сабақ енді саған қызықты болды ма?
- Ия,мен рәміздеріміздің маңыздылығын түсінгендей болдым.Рахмет,Әли!
- Оқасы жоқ!