Спортпен айналысамын.
Жаңа жыл басталысымен мен өз - өзіме «дәл бүгіннен бастап спортпен шұғылданамын» деп уәде бердім. Себебі, «еріншектің ертеңі бітпес» дегендей, спортпен шұғылдануды ертеңге қалдыруға болмайды. Спорт денсаулық кепілі болғандықтан, өз денсаулығымызға немқұрайлы қарамауымыз керек және әрбір адам жасы мен жұмысына қарамастан денсаулығына көңіл бөліп, спортпен шұғылдану керек деп ойлаймын.
Өз басым күнделікті спортпен айналысуды күн тәртібіме кірістіріп қойдым, таңертең бір мезгіл жүгіріп, кешке арнайы жаттығулар жасамақпын.
Спортпен шұғылданудың арқасында денім сау, ал өзім шымыр боламын.
Біраз уақыт жаттығып алғаннан соң мәнерлеп сырғанау үйірмесіне жазылғым келеді. Себебі, менің сүйікті спорт түрім – мәнерлеп сырғанау. Бұл спорт түрінде спортшы конькимен сырғанап, музыка сазына сәйкес әсем қимыл жасайды. Мәнерлеп сырғанаудың жекелей, жұптасып, топтасып сырғанау және мұздағы би түрлері бар. Мен жекелеп сырғанау бағытын таңдағым келеді, сонымен қатар музыкаға икемім де бар, жаттығу маған қиын болмайды деп ойлаймын.
Мәнерлеп сырғанау адам бойында кербездік пен сұлулықты дамытып, адамды шыңдай түседі. Бірақ өте әдемі спорт түрі болғанымен қиындығы да қатар жүреді. Мысалға, айтатын болсақ, бұл спорт түрінде ауыр жарақаттар жиі кездеседі, екіншіден, жаттығу жұмыстары күнделікті бірнеше сағаттан болып отырады, көп қаражат пен уақытты талап етеді. Дегенмен, осы қиыншылықтардың бәрінен бас тартпай, осыншама әсем спорт түрімен айналысатын спортшылардың алдында бас игім келеді.
Мен болашақта үлкен спортшы болмасам да, бұл спорт түрімен өзім үшін айналысамын, сонымен қатар осы спорт түрінен өткізілетін барлық жарыстарды үзбей көріп отырамын.
Аудармасы:
Біздің заманымызда үш тіл білу өте маңызды. Мен үшін аталған үш тіл - қазақ, орыс және ағылшын тілдері. Қазақ тілі - мемлекеттік тіл, сондықтан мен оны бәліге міндеттімін деп ойлаймын. Қазақстанның әрбір азаматы қазақ тіліне құрметпен қарау керек. Ағылшын тілі - әлемдік тіл, әлем елдерінің басым бөлігі бұл тілде сөйлейді. Мысалы, сіздің еліңізге турист келіп, сізден ағылшын тілінде бір нәрсе сұраса, сіз жауап бере алмайсыз немесе сіз шетелге шығып, сонда өзіңізге көмек қажет болуы мүмкін. Орыс тілі - ұлтаралық қатынас тілі, менің ана тілім. Сондықтан мен өз ана тіліңді білуге міндеттісің деп ойлаймын.
Ал үш тілді меңгеру сізге қоғамда үлкен артықшылық береді.