Бір күні Қожанасырдың көршісі базарға кетіп бара жатса, Қожекең мысығын жуындырып жатыр екен. Күн суық болса керек, көршісі:
- Өй, Қожеке, күн суықта мұның қалай, мысығың үсіп өлмей ме?!-деп жүре беріпті. Кешкісін көршісі базардан қайтып келе жатса Қожекең мысығын жоқтап, жылап отырады. Көршісі Қожаға:
- Айттым ғой, күн суықта мысығың үсіп өледі деп! - дейді.
Сонда Кожекең:
- Мысығым үсіп өлген жоқ, жуып болып, сыққанда өлді! – депті.
Түріктің атақты ақыны, түрік әнұранының авторы Мехмет Акиф Ерсойдың мамандығы «мал дәрігері» болған екен. Бір жиында әлдекім ақынды мұқатпақ болып:
- Сіздің мамандығыңыз осы «мал дәрігері» ме еді?-деп сұрағанда, ақын:
- Ия, солай бір жеріңіз ауырып тұр ма?-деген екен
