Табиғат аясына саяхат туралы диалог құрастыру.
Мейрамбек: Сәлем, достым! Қалың қалай? Денсаулығың қалай? Жақсы болдың ба?
Еркебұлан: Сәлем, Мейрамбек! Рахмет, қазір жақсы болдым. Өткен аптадан бері қатты қызуым көтеріліп, мазам болмай, төсекте жатып едім.
Мейрамбек: Жақсы болғаныңа қуаныштымын.
Еркебұлан: Рахмет, тек өкініштісі сендермен бірге табиғат аясындағы серуенге бара алмадым... Қалай болды, қызық болған шығар?
Мейрамбек: Ия, өкінішті – ақ. Бірақ ең бастысы оңалып кеттің, әлі талай серуенге шығамыз ғой. Жалпы серуен өте жақсы ұйымдастырылып, өте қызықты өтті. Оқушылар толықтай уақытында жиналып, арнайы автобуспен үш мұғалім, медбике және дене шынықтыру мұғалімі бізді серуенге апарып, алып келді.
Еркебұлан: Медбике апайдың барғаны дұрыс болыпты.
Мейрамбек: Ия, бірақ ол кісінің көмегіне ешкім жүгінбей, аман – есен барып келдік.
Еркебұлан: Қашан қайттыңдар?
Мейрамбек: Таңертең барып, түстен кейін қайттық. Әрқайсымыз үйден тіскебасар мен ішетін сусын, жеміс – жидектер алып барып, соларды жедік. Түрлі ойындар ойнадық, серуендеп, біраз суретке түстік. Уақытымыз өте жақсы әрі денсаулыққа пайдалы өтті. Гүлбану апай осындай серуендер әлі талай ұйымдастырылатынын айтқан болатын.
Еркебұлан: Келесі серуенге бұйыртса, мен де барармын.
Мейрамбек: Әрине!
Сүйіспеншілік туралы
Әрбір азамат өз ұлтын сүюге тиіс және өз ұлтына деген терең сүйіспеншілігі мен мақтаныш сезімі арқылы басқа ұлттарды танып, құрметтеп, оларды сүйе білуге тиіс.
Бауыржан Момышұлы
Нағыз құштарлық пен сүйіспеншіліксіз қай іс болса да ілгері баспайды.
Павлов Иван Петрович
Ең зор ізгі ерліктерді Отанға деген сүйіспешілік туғызған.
Жан-Жак Руссо
Егер де ең ұлы ашылымдар болмаса да, бәрібір адамзат өмір сүрген болар еді, ал егер сүйіспеншілік жоқ болса, ол тез арада құрып бітер еді.
Ілияс Есенберлин
Мұғалім өз ісіне деген сүйіспеншілікті оқушыға деген сүйіспеншілікпен ұштастыра алғанда ғана шын мәніндегі мұғалім болмақ.
Лев Толстой
Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен басталады.
Нұрсұлтан Назарбаев
Мейірімділік туралы
Адам бойындағы бағалауға лайық қасиет - ақыл емес. Қайта сол ақылды басқаратын қасиеттер: мінез, жүрек, мейірімділік, таза ой.
Федор Достоевский
Мейірімді ер адам алаңсыз. Төмен адам уайымшыл.
Конфуций
Мейірімді болу оңай, әділ болу қиын.
Виктор Гюго
Білімдіңнің сөзі — ем, мейірімі көп, өзі кең!
Мағжан Жұмабаев
Жек көру - бейшаралықтың, кейде ақыл жұтаңдығының бетке ұстаған пердесі, жек көру дегеніміз - мейірімнің, ақыл мен адамдарды түсінудің жетіспеушілігінің белгісі.
Альфонс Доде
Ана сұлулығы жүзіндегі мейірімінен көрінеді.
Ғабит Мүсірепов
Мейірім, ынсап, әділет, адал еңбек, таза жүрек, тату дос - өмірінде өкіндірмес қасиеттер осылар.
Шәкәрім Құдайбердіұлы
