Шығарма
Азық-түлік дүкені.
Әлем күн санап өзгеруде.Жаңа идеялар қарастырылып,жаңалықтар ашылып,өнертабыстар жасалынып жатыр.Айналамызды компьютер,машиналар қоршап жатыр.Қазіргі таңда аурухана,мектепсіз адам өмірін елестету мүмкін емес.Соның ішінде дүкендер де адамзат үшін ең маңызды орындардың бірі.Қалада дүкендер самсап тұрады.Дүкендердің небір түрі бар.Азық-түлік дүкенінен адамдар тағамдар,жеміс-жидек және т.б заттарды ала алады.Үй жанындағы кішкентай дүкендермен қатар, супермаркет,гипермаркет секілді үлкен ауқымды дүкендер бар.
Азық-түлік дүкенінде сөрелер көздің жауын алатын заттармен толы болады.Ақшамен қалаған затыңды аласың.Шағын дүкендерден үйге нан,су секілді ұсақ-түйекті аласың.Ал супермаркетке үлкен тізіммен барасың.Себебі,онда әлдеқайда арзан әрі таңдау көп,тіпті кез-келген затты таба аласың.Басқа нәрсені іздеп жүргеніңде,мүлдем өзге затты қалай алғаныңды байқамай қаласың.Ыстық күндері дүкенге кіріп,тоңазытқыштан алынған мұздай суды алғанға не жетсін.Ал қыстың күндері кешкі асқа керекті заттарды,кешкісін отбасыңмен ыстық ас ішесің.Не дегенмен де, азық-түлік дүкендері адамзатқа маңызды әрі қажет дүние.
Азық – түлік дүкенінде.
Қазіргі таңда дүкеннен кез – келген тауарды сатып алуға болады. Кішігірім дүкендер ет дүкені, көкөніс дүкені, азық – түлік дүкені, жуғыш заттар дүкені, балалар дүкені т.б. болып бөлінсе, сонымен қатар үлкен супермаркеттерде осы аталған заттардың барлығы бір жерде түрлі бөлімдерге бөлінген. Ал қазіргі ғылым мен техниканың дамыған уақытында біздің қоғамымызда "уақыт - ақша" деген қағида қалыптасқандықтан, бұл өте тиімді, әрі ыңғайлы, себебі барлық дүкендерді шарламай керек – жарақтың бәрін бір жерден сатып алып, өзіңе ыңғайлы жолмен есеп айырысу мүмкіндігі бар.
Мен анаммен дүкенге барғанды ұнатамын. Біз көбінесе тәулік бойы жұмыс істейтін «Магнум» супермаркеттер желісінен үйге керекті азық – түлік пен басқа да қажетті заттарды бір жерден сатып аламыз. Әдетте, анам керекті заттар тізімін жазып, өзімен бірге алып жүреді. Мен, әсіресе, көкөніс пен жеміс – жидек бөлімінде сауда жасағанды ұнатамын – бұл жерде әрбір сатып алушы өзіне керегінше көкөністер мен жеміс – жидектерді таңдап, өзі таразыға салып өлшеп, бағасын жапсырады. Анам маған бұл бөлімде заттарды таразыға салып өлшеп, электронды таразының батырмасын өзіме басуға рұқсат береді.
Ал сіздің отбасы керекті азық – түлікті қандай дүкеннен сатып алады?