Дүкендердің де Гиннестің Рекордтар Кітабына енетінін бұрын соңды білуші ма едіңіз? Әрине, айтып отырғанымыз сіздің күнделікті көріп жүрген қарапайым дүкендер емес, ең таңдаулысы ғана. Мәселен, әлемдегі ең үлкен дүкенді көргіңіз келсе, Оңтүстік Кореядағы Пусан қаласына сапар шегуге тура келеді.
Осы алпауыт кореялық порт және Оңтүстік Кореядағы көлемі жөнінен екінші үлкен қала өзінің Shinsegae компаниясы тұрғызған ерекше дүкенімен мақтана алады. Дүкеннің алып жатқан аумағы 293 905 шаршы метр. Ашылу салтанаты 2009 жылы болып өтті.
«Синсэге Сентум Сити» - бұл жай ғана қаланың көркін келтіріп тұрған дүкен емес, мұнда сіз сауда жасап қана қоймай, тамақтанып, кино қарай аласыз, спортпен айналысасыз, саунаға немесе түрлі ойын-сауыққа арналған бөлмелерге бас сұғуға болады.
Ғимараттың құрылыс жұмыстарына американдық Каллисон және итальяндық Клаудио Сильвестрин сынды өте танымал сәулетшілер қатысқан болатын.
Ал әлемдегі ең үлкен сауда орталығы(бір аумақта бірнеше дүкен орналаса алады) Біріккен Араб Әмірлігінің ең алып қалаларының бірі Дубайда бой көтерді. Дубай Моллдың ішкі аумағы 548 127 шаршы метрді құрайды. Шопингтің көкесі осындай дей беріңіз!
Дубай Молл әлемдегі ең биік мұнара Бурдж Халифаның жанында орналасқан. Жан-жақты әрі озық үлгіде безендірілген ғимараттың ашылу салтанаты 2008 жылдың қараша айында өтті.
Елу футбол алаңы сыйып кететін осыншама үлкен ғимаратта не бар дейсіз бе? Тізімімен танысып шығыңыз:
1200 дүкен Олимпиадалық сайыстарды өткізуге де болатын өте үлкен сырғанақ әлемдегі ең үлкен жабық аквариум Galeries Lafayette универмагы KidZania балаларға арналған ойын-сауықтыру кешені Gold Souk атты алып алтын базар SEGA тақырыптық саябағы The Grove ажырамалы көшесі 22 кинозал 250 нөмірлік(люкс) қонақ үй 120 мейрамхана және кафе 14000-нан астам көлікке арналған автотұрақ
Токты үнемдегенде ұялы телефон, ноутбук секілді құрылғылардың зарядтағышын токтан үнемі ажыратып отырыңыз. Розеткаға қосылып тұрған құрылғы энергия тұтынады. Басқа жаққа бірер күнге кетер болсаңыз шамды өшіріп қана қоймай, розеткадан телевизор, музыкалық орталық, DVD-ойнатқыштарды да ағытып кетіңіз. Олар токқа қосылып тұрса аз да болсын энергия шығындап отырады.
Тағы да бір кеңес, шаңсорғыштың қоқыс қапшығын және фильтрін дер кезінде ауыстыру қажет. Өйткені, бітеліп қалған немесе шаңға бөккен қоқыс қапшықтан шаңсорғыштың жұмысы ауырлап, қалыпты нормадан көп қуат жұмсайды.
Автоматты кір жуғышқа мөлшерден артық кір салып жууға болмайды. Бұл жағдайда оның моторына күш түсіп, ол 10-15 пайыз мөлшерден артық қуат жұмсайды. Және киімдердің түрлілігіне байланысты жуудың бағдарламалары белгіленген. Егер қате бағдарлама таңдаған жағдайда энергия шығыны 30 пайызға артады.
Тоңазытқыш ас әзірлейтін плиткаға жақын тұрмағаны абзал. Егер тоңазытқыш тұрған жылы бөлмеде тұрса немесе оның маңайындағы жылу 30 градусқа жетсе, тоңазытқыш ішен қойылған тағамды салқындатуға көбірек қуат жұмсап, токты екі есе артық тұтынады.
Дер кезінде мұздатқыш камерадағы қатып қалған мұзды жібітіп, тазалап отырғанның пайдасы бар. Себебі, қалың мұз қабаты азық-түлікті салқындатуға кедергі жасайды. Әрі тоңазытқыштың электр қуатын көп тұтынуына әкеліп соғады.
Егер токты есептеп жұмсау қажеттіліг туса, төменде тұрмыста көп қолданылатын құрал-жабдықтардың негізгі қуат жұмсау шығынын есте сақтау керек. Айталық, электр шәйнек 5 минутта - 0,18 кВтс, қысқа толқынды пеш 5 минутта - 0,125 кВтс, тоңазытқыш тәулігіне - 2,4 кВтс, үтік 15 минутта - 0,55 кВтс, компьютер 1 сағатта - 0,35 кВтс, телевизор сағатын - 0,07 кВтс, автоматты кір жуғыш машина 1,5 сағатта - 3 кВтс ток жұмсайды.
